Popular Bible Verses from Mak 16

Share

Ndien ntem ke Enye ọkọdọhọ mmọ ete, “Mbufo enyene ndisaña nduk ofuri ererimbot, ñnyuñ ñkwọrọ Eti Mbuk nnọ kpukpru owo, ke kpukpru ebiet.

Ndien mme idiọñọ emi eyetiene mme andinim ke akpanikọ: mmọ eyebin ndiọi spirit esioño ke Enyiñ Mi, mmọ eyesem usem ke mme esen edeme. Mmọ ñko eyekeme ndimum urukikọt edi ñkpọ idinamke mmọ, ekpeñwọñwọñ bọisin kiet ekededi, enye idinamke mmọ baba ñkpọ ndomokiet, ndien mmọ eyenyene odudu ndidori mbon udọñọ ubọk ke idem, ndien enam udọñọ mmọ okure.”

Mmọ emi enimde ke akpanikọ enyuñ enade babtisim, eyebọ edinyaña. Edi ama edi mmọ emi etrede ndinim ke akpanikọ eyebiere ikpe ñkpa enọ mmọ.

Ndien mme mbet Esie ema esaña ekanade kpukpru ebiet ekwọrọ ikọ Abasi, ndien Ọbọñ ama asaña ye mmọ onyuñ ọsọñọ se mmọ eketiñde ke edinam ediwak mme utibe ñkpọ ye mme idiọñọ.

Edi enjel oro ama ọdọhọ mmọ ete, “Ekuyak idem akpa mbufo, mmọdiọñọ nte mbufo eyom Jisọs emi otode Nasaret, emi ekekọñde ke Krọs. Enye iduhọ mi, Enye ama eset ke ñkpa! Ese ebiet emi ekenimde Enye mi.

Edi kadaña emi mmọ ema ekesim do, mmọ ema emenede enyin ese enyuñ ekut ete ke ema ekpat ata ndodobi itiat oro efep, ndien ke inua udi akana iñwañ. Ke mmọ ema ekesaña esim udi, mmọ ema ekut akparawa emi ekesinede afia ọfọñidem nte etiede ke mben ñkañ ubọk nnasia, lban emi ema ekop ọkpọsọñ ndik.