Popular Bible Verses from Mak 13

Share

Ndien kpukpru owo eyesua mbufo koro mbufo edide Okim. Edi mmọ emi edimede ime tutu osim akpatre, inyuñ ikañke Enyiñ Mi eyenyaña mmọ

Ndien sia mbufo mifiọkke ini emi ñkpọ emi editibede, etie ke mbeñe idem. Etim ekpeme ebeñe edidi Esie.

Edi ke ini edimumde mbufo ika ke iso ikpe ekukere ebaña se enyenede nditiñ man enyaña idem mbufo. Edi etiñ se Abasi edidọhọde mbufo etiñ. Koro idighe mbufo editiñ, edi Edisana Spirit editiñ ito ke mbufo.

Enyọñ ye isọñ eyebe efep, edi mme ikọ Mi eyesọñọ eda ke nsinsi.”

“Nte ededi baba owo ndomokiet, edide mme asañautom Abasi ke enyọñ mme Eyen ke idem Esie, iduhọ emi ọfiọkde usen mme ini ñkanika emi mme ñkpọ emi editibede, ibọhọke Ete Mi ikpọñ ikpọñ ọdiọñọ.

Ema ekop ebaña mme ekọñ ye mme etop ekọñ, ekuyomo nsia, koro mme ñkpọ ntre enyene nditibe edi emi iwutke nte ke utit ini edi.

“Ke ntre, etiñ enyin ekpeme, koro mbufo mifiọkke ini emi enyene ufọk edinyọñde, mme edidi ke mbubreyo mme ufọt okoneyo, mme edidi ke ñkpọusen mme ke ata ufọt uwemeyo. Edieke Enye edide wap inikiet ke edibabuat, kuyak Enye edikut fi nte edede idap. Ekpeme! Se ntiñde emi nnọ mbufo, ntiñ ntre nnọ kpukpru mbon efen.”

Koro mme idut eyesiak ekọñ enyuñ eñwana ye kiet eken; ndien unyekisọñ ye akañ eyedu ke nsio nsio idut. Kpukpru emi edi ntọñọ ubiak ye ukut emi edidide ke ini iso.”

Koro enyene ndinam ofuri ekondo ekop ebaña Eti Mbuk emi mbemiso akpatre usen edi.

Koro ediwak eyedi ke enyiñ Mi, enyuñ ebiaña ediwak owo ete ke mmimọ idi Andinyaña ndien eyeda ediwak ewaha ekpọñ usuñ.

Edi ke ini mme ñkpọ emi editọñọde ndisu, etim ekpeme koro mbufo eyedu ke ata akamba afanikọñ. Eyeduri mbufo eka esop, enyuñ emia mbufo ke itie ukpono Abasi ndien eyetiñ mme nsu nsu ikọ edian mbufo ke iso mme andikara ye mme ndidem ke ntak emi edide mbet Mi. Emi edidi akwa ifet inọ mbufo nditiñ Eti Mbuk emi nnọ mmọ.

Koro ediwak mme nsu nsu mme andinyaña ye mme nsu nsu prọfet eyedu emi edinamde ekese mme utibe idiọñọ emi edidide ñkpọ abiaña inọ ediwak mme ndimek ikọt Abasi edieke ekpekemede ndidi ntre.

“Ke mme usen ukut oro ema ebe, utin eyeduk ekim, ọfiọñ idinyuñ inọhọ aba uñwana. Ndien mme ntantaọfiọñ eyeto ke ikpa enyọñ eduọñọ. Eyenyeñe mme odudu ke ufum enyọñ.”