Popular Bible Verses from Mak 14

Share

Enye ama ofiori ete, “Ete, Ete, kpukpru ñkpọ edi mmem mmem ke ubọk Fo, men kọb emi fep Mi ke iso. Ñyom uduak Fo, yak okudi okim.”

Ekpeme enyuñ ebọñ akam man andidiọk edidomo mbufo. Okposuk edi emi ke akpanikọ Spirit onyimede, edi obukidem edi mmem mmem.

Ndien ntiñ emi nnọ mbufo ke ata ofuri akpanikọ nte ebiet ekededi emi edikwọrọde Eti Mbuk emi ke ofuri ererimbot, eyetiñ ebaña edinam emi ñwan emi anamde mi, nte ñkpọ edida nti enye.”

Ndien Enye ama ọdọhọ mmọ ete, “Ukpọñ Mi ọfuhọ eti eti tutu ekpere ñkpa; etie mi enyuñ ekpeme ye Ami.”

Ndien nte mmọ ekediade ñkpọ, Jisọs ama emen ekpri eboho uyo onyuñ ebeñe edidiọñ Abasi ọnọ enye ndien obuñ enye ñkeñe ñkeñe ọnọ mbet Esie ndien etiñ ete, “Eta, emi edi ikpọk idem Mi.”

Ndien Enye ñko emen kọb mmin emi ekotde wain onyuñ ọnọ Abasi ekọm abaña enye ndien ọnọ mmọ, ndien kpukpru mmọ enyuñ eñwọñ eto kọb oro. Ndien Enye ama ọdọhọ mmọ ete, Emi edi iyip Mi emi eduọkde ke abaña ediwak owo, emi edide idiọñọ obufa ediomi ke ufọt Abasi ye owo.

Jisọs ama ọdọhọ mmọ ete, “Mbufo kpukpru eyefeñe ekpọñ Mi.” Koro Abasi ama ananam añwaña oto ke uyo mme Asiak Uduak Abasi. “Ñyewot ekpemerọñ, ndien mme erọñ eyesuana.

Edaha eda, eyak ñnyin ika. Sese, anditap Mi kasaña edi.”

Jisọs ama ọdọhọ Pita ete, “Mbemiso ekikọ ọkpọk ọyọhọ ikaba usen ubọk ñkpọñ, afo eyekañ Mi utim ikata.”