Popular Bible Verses from Matiu 24

Share

Ke ntak emi idiọkñkpọ editọtde ke kpukpru ebiet, ima ediwak owo eyebit. Edi owo eke ọsọñọde ada tutu osim utit eyenyaña enye.

Ndien eyekwọrọ Eti Mbuk emi abañade Obio Ubọñ Abasi ke ofuri ererimbot nte ñkpọ ntiense ọnọ ofuri ubon owo, do ndien, ke utit edidi.”

Mbufo eyekop ebaña ekọñ ñkpet-ñkpet, ye uyom ekọñ ke anyan ebiet, edi, ekuyak ndik anam mbufo. Mme ñkpọ ntem enyene nditibe, edi mmọ iwutke nte ke utit ini edisim.

Mme idut eyeñwana ye idem mmọ, mme ndidem eyeñwana ye idem mmọ, ndien akañ ye unyekisọñ eyedu ke ediwak itie. Kpukpru mme ñkpọ emi edi akpa ntọñọ ubiak uman.”

“Enyọñ ye isọñ eyebe efep, edi mme ikọ Mi idibehe ifep.”

Koro ediwak owo eyedi ke enyiñ Mi, enyuñ edọhọ ete, ‘Ami ndi Kraist oro,’ ndien mmọ eyebiaña ediwak owo.

“Ndien mmọ eyemum mbufo eyak enọ emia ufen enyuñ ewot. Ofuri mme idut eyesua mbufo ke ntak Mi. Ediwak owo eyesana mbuọtidem mmọ ke ini oro eyak, mmọ eyetap kiet eken, enyuñ esua idem mmọ, ndien ediwak mme nsu nsu oku eyedaha eda, enyuñ ebiaña ediwak owo.

Jisọs ama ọbọrọ mmọ ete, “Ekpeme, ekuyak owo ndomokiet abiaña mbufo.

Ke ntre mbufo ñko enyene ndidu ke mbeñeidem, koro Eyen Owo eyedi ke ini ñkanika emi mbufo mikebeñeke idem inọ Enye.”

“Ke ntre edu ke ukpeme koro mbufo midioñọke usen emi Ọbọñ mbufo edidide.

Baba owo ndomokiet idiọñọke ibaña usen oro mme ñkanika oro, tutu osim idem mme enjel ke enyọñ idiọñọke, kpa ye Eyen Owo nde, edi, edi Ete ikpọñ ikpọñ ọdiọñọ.

Koro mme nsu nsu kraist ye mme nsu nsu mme ọkwọrọ ikọ eyewọñọ ewut idem, ndien enyuñ enam mme ikpọ idiọñọ ye mme utibe ñkpọ ndibiaña mmọ emi emekde edieke emi ekpedide mmem mmem.

Nte ekedide ke mme usen Nua, kpa ntre ke edidi ke ini edidi Eyen Owo. Koro ke mme usen emi ekebemde ukwọ iso, mme owo ke eketa enyuñ eñwọñ ñkpọ, ke ekedọ ndọ enyuñ enọ mme owo ke ndọ, tutu osim usen emi Nua okodukde ubom; ndien mmọ ikọdiọñọke baba ñkpọ ndomokiet ibaña se iditibede tutu mmọñ ukwọ oto edikpọri mmọ efep.