Popular Bible Verses from Matiu 21

Share

Edieke enimde ke akpanikọ, eyebọ ñkpọ kiet ekededi emi edibeñede ke akam.”

Jisọs ama ọdọhọ mmọ ete, “Akpanikọ ke Ami ntiñ, edieke mbufo enyenede mbuọtidem, mminyuñ iyikke, idighe se ami nnamde ye eto fik emi ikpọñ ke mbufo edinam. Edi edieke mbufo edọhọde obot emi ete, ‘Wuhọde, ka koduk akwa akpainyañ,’ eyewọrọ osu ntre.

Mme otu owo emi ekebede Enye iso, ye mmọ emi eketienede Enye ke edem ema efiori ete, “Osana enyene Eyen Defid! Abasi ọdiọñ Enye emi edide ke Enyiñ Ọbọñ! Osana ke ata enyọñ!”

Enye ama ọdọhọ mmọ ete, “Ema ewet ete, edikot ufọk Mi ufọk akam; edi mbufo emenam, enye akabade edi itie mbon ñwo.”

“Edọhọ eyenañwan Sayọn ete, sese Edidem mbufo kedi ebine mbufo, Enye edi ke nsuhọde idem, onyuñ awat ke enañ mbiomo, ye ke enyọñ eyen enañ mbiomo.”

Jisọs ama obup mmọ ete, “Akananam mbufo ikotke se ewetde ke ñwed Abasi, ete, ‘Itiat emi mme ọbọp ufọk ekesinde amakabade edi etubom itiat inuk; Ọbọñ anam emi, ndien edi utibe ñkpọ ke enyin ñnyin?’ ”

“Mmọdo Ami ndọhọ mbufo nte, eyebọ mbufo Obio Ubọñ Abasi ndien eyak enọ mmọ emi edisioñode nnen nnen mfri.