Popular Bible Verses from Ọbọsuru 5

Share

Pita ye mme Ọbọsuru eken ema ebọrọ mmọ ete: “Ñnyin inyene ndisuk ibuot nnọ Abasi idighe owo.

Ndien kpukpru usen, ke añwa ufọk Abasi ye ke ufọk mme owo, mmọ ema eka iso ndikpep ñkpọ ñnyuñ ñkwọrọ Eti Mbuk emi abañade Jisọs, nte ke Enye edi Kraist.

Ndien Pita ama ọdọhọ enye ete, “Ananayas, ntaha afo ayakde Setan akara esit fo, emi anamde fi osu nsu ọnọ Edisana Spirit ke edidip ubak okuk emi afo ọkọbọde ke inyene oro? Inyene emi ekedi okuo mbemiso afo akanyanyam enye, ndien ke afo ama akanyam ama okuk oro ekedi okuo. Ntaha ndien afo ekebierede ke esit fo ndinam utọ ñkpọ emi-e? Afo usuhu nsu emi unọ owo, afo osu ọnọ Abasi.” Ke adaña emi Ananayas okokopde ikọ emi, enye ama ọduọ ke isọñ onyuñ akpa; ndien kpukpru mme mmọ emi ekekopde ebaña ñkpọ emi ema ekop ndik eti eti.

Ndien ke ikọ enye emi anade ñnyin mi ke iso, ami ndọhọ mbufo nte yak ekunam baba ñkpọ kiet ye mme iren emi. Esana mmọ eyak, koro edieke uduak ye utom mmọ emi edide eke ubọk owo, eyesuana. Edi edieke otode Abasi, mbufo idikemeke nditre mmọ. Edi edikut nte mbufo eñwanade eñwan ye Abasi. Esop emi ema eda item Kamaliel.”