Popular Bible Verses from Ọbọsuru 4

Share

Edinyaña oto Enye ikpọñ ikpọñ; koro owo efen iduhọ ke ofuri ererimbot, emi Abasi ọnọde enyiñ esie, ndida ñnyaña owo.”

Ke mmọ ema ekebọñ akam ema, ebiet emi mmọ ekebonode ama enyek. Ndien kpukpru mmọ ema eyọhọ ye Edisana Spirit ndien etọñọ ndikwọrọ ikọ Abasi uko uko.

Ndien ke emi Ọbọñ, kere baña mme ndighe mmọ nyuñ nọ ñnyin mme asañautom Fo ukeme nditiñ ikọ Fo ye ọyọhọ uko.

Jisọs edi Enye emi ikọ Abasi etiñde abaña ntem, ete, ‘ltiat emi mbufo mme ọbọp ufọk ekefumide, akabade edi itiat inuk ufọk.’

Idem ama akpa kpukpru mbon esop mme Ju ke usuñ ye edu emi Pita ye Jọn ekedade etiñ ikọ uko uko, ye ke emi ñko mmọ eketimde efiọk ete ke mmọ ekedi mme ikpuikpu owo emi mikenyeneke baba ifiọk ñwed ndomokiet. Mmọ ema eti ini oro nte ke mme mmọ emi ekedi mme nsaña Jisọs.

Kpukpru mme mmọ emi ekenimde ke akpanikọ ekenyene esit kiet ye unyime kiet. Owo ndomokiet ikọdọhọke ete se ñnyenede edi okim ikpọñ, edi kpukpru mmọ ekebuana ye kiet eken kpukpru se mmọ ekenyenede.