Popular Bible Verses from Ọbọsuru 1

Share

Edi mbufo eyebọ odudu ke ini emi Edisana Spirit edidorode mbufo ke idem, ndien mbufo eyedi mme ntiense Mi ke Jerusalem, ye ke ofuri Judia, ye Sameria, tutu esim utit ererimbot.”

Jisọs ama ọdọhọ mmọ ete, “Inaha nte mbufo efiọk ini mme usen ọfiọñ emi Ete ekenimde ke odudu idem Esie.

Kadaña ini emi Enye akadiade ñkpọ ye mmọ usen kiet, Enye ama owuk mmọ ete: “Ekukpọñ Jerusalem, edi ebet kabaña enọ emi Ete ọkọñwọñọde ndinọ, emi mbufo ekekopde nte Ami ñketiñde mbaña. Jọn ekenim babtisim ke mmọñ, edi ke usen ifañ ke iso eyenim mbufo babtisim ke Edisana Spirit.”

Ke Enye ama ekeset, Enye ama owut mme mmọ emi Enye ekemekde idem ke usen aba ke ediwak ini ye ke ediwak mme usuñ emi ọkọsọñde nte owo mikemeke ndineni nte ke Enye ke ododu uwem. Mmọ ema ekut Enye, Enye ama onyuñ eneme nneme ye mmọ abaña Obio Ubọñ Abasi.

Ke Enye ama eketiñ mme ikọ emi ama, ema emen Enye edọk kpa ke idem iso mmọ; ndien kpasuk nte mmọ ekekade iso ndiwuk enyin nse, obubit enyọñ ama edip Enye ke enyin mmọ.

Nte mmọ ekesuk ekade iso ndiwuk enyin nse ikpaenyọñ nte Enye okosuk ọdọkde, sese owo iba emi ekesinede mfia ñkpọ ema ewọñọ eda mmọ ke ñkañ. Enyuñ ebup mmọ ete “Iren Kalili, ntaha mbufo edade mi esuk ewuk enyin ese ikpaenyọñ-e? Kpasuk Jisọs emi ema ekemen edọk enyọñ ekpọñ mbufo, eyefiak edi kpa ke ukem usuñ emi mbufo ekekutde nte emende Enye edọk enyọñ.”