Popular Bible Verses from San Marcos 6

Share

Chaypi Jesuska rimarka: “Shamuychi ñukawa kankuna sapallaykichi, shuk chunllama, samaychi shukratu”. Yapa achka runakuna shamupayan ripayanahun, paykunarayku mana tiyapayanchu nima tinpu mikunankunapa.

Chaypi Jesuska paykunata rimarka: “Shuk profetata shuk llaktakunapi kasunahun; ashwan kikin llaktanpi, kikin wasinpipas manami ayllunkunaka kasunahunchu”.

Jesuska llukshishpan botimanta rikurka achka runakunata, paykunata rikushpan llakirirka, rikushpan obeha amu illakunatashina, kallarirka yachachinata achka imakunata.

Jesuska mana atiparkachu chaypi ruranata nima shuk mana atipaypa ruranata, masna unkushkakunallata makinta paykunapi churashpan anpirka. Payka yapa llakirirka mana payta kirishkankunarayku. Chaymanta kuchu llaktakunapi purirka Yayan Diospa shiminta yachachinanpa.

Jesuska apishpan chay pichka pankunata, ishkay challwakunatapas, awa siluma rikushpan mañarka. Chay washa pakishpan pankunata kurka disipulunkunata kunankunapa chay runakunata, chaymantapas kurka tukuyta chay ishkay challwakunatapas. Tukuy mikurkakuna saksanankunakama, mikushkankunawasha chunka ishkay tasata untachirkakuna pan challwawa chapu puchurishkata.