Popular Bible Verses from Lyanjiru 32

Share

Muntu ulii kamgambira, hapeni gushemwi kayi Yakobu, kumbiti hagushemwi Israeli, toziya gusingana na Mlungu pamuhera na wantu, gukanka.

Shakapanu muntu ilii kamgambiriti Yakobu, gundeki ng'endi zangu, toziya kwankushiya. “Kumbiti Yakobu kamgambiriti, hapeni nikuleki nakamu, mpaka guntekeleri!

Yakobu kasigaliti gweka yakuwi. Shakapanu muntu yumu kiziti, kalikola nayu pawaligusiyana mpaka mandawira putiputi.

Yakobu kapashema pahala palii Penueli, pakalonga, nimwona Mlungu sheni kwa sheni, na neni howa ndiri.”

Muntu ayu pakawoniti kuwera hapeni kamkanki Yakobu, su kamtilindula Yakobu muliwondu na yomberi katirinduka pakaweriti pakaligusiyana nayu.

Muntu ulii kamkosiya, litawu lyaku gwa gaa? Yomberi kamwankula, Yakobu.

Yakobu kamgambira, shondi shondi, nikuluwa gung'ambili litawu lyaku. Kumbiti yomberi kamgambiriti, kwantambu gaa gunkosiya litawu lyangu? Shakapanu kamtekelera Yakobu palii.

Neni nfiruwa ndiri kupata uheri wako yaguntendiriti neni ntumintumi gwaku, panokiti lushemba lwa Yoridani, weriti ndiri na shintu ira luhonga, kumbiti vinu nanavi vipinga avi viwili.

Su mpaka leru Waisraeli waliya ndiri msuli gwagulikolerana na lihondu, toziya muntu ulii kamtilinduliti Yakobu msuli gwagulikolerana na lihondu lyakuyi.

Su Yakobu kaluwa, “Gwee Mlungu gwa mbuyi gwangu Abrahamu, Mlungu gwa tati gwangu Isaka! Gwee Mlungu yagung'ambiliti mbuyi muisi yangu kwa walongu wangu, gunagiliti kuntendera maheri.

Nikuluwa, gunopoli kulawa mumaya ga mlongu gwangu Esawu, toziya nana lyoga kuwera hakatukomangi na kutulaga twoseri, wamawu pamuhera na wana.