Popular Bible Verses from Kulawa 15

Share

kwa kulonga, “Neni ndo Mtuwa Mlungu, Mlungu gwenu. Handa pamunjimira weri neni panuwagambira, na kutenda shilii shitwatira shanushimana kuwera shiherepa, kugalola weri goseri ganuwalagalira, neni haniwaloleri weri kulawa mumalweli ganugajegiti kwa wantu wa Misri. Namulyaluwa kuwera ndo ulii yakawaponiziya.”

Mtuwa Mlungu ndo ulii yakantenda neni weri mgangamala, ndo ulii yanumwimbira Mweni ndo yakanopoziyiti. Yomberi ndo Mlungu gwangu, neni Hanimkwisi. Mlungu ndo ulii wambuyi wangu wamguwiriti, na hanuwagambiri wamonga ukulu yakawera nawu.

Mtuwa Mlungu, pakati pa milungu yawu, kwahera mlungu gambira gwenga! Gwenga gukwisuwa, nakaka gwa tambu ya gweka na vyoseri vyaguvinyawiti. Hashi, gaa yakalifana na gwenga? Kwahera ata yumu yakalifana na gwenga, yakaweza kutenda mawuzauza ga ntambu yoseri ilii.

Gwenga kwa uheri waku guwalongoziya wantu gwaguwakomboliti, kwa makakala gaku gwenga guwalonguziyiti womberi muisi yagulikala.

Kuweriti na mashi palii, kumbiti womberi wasinditi kugalanda toziya gaweriti gakalipa. Ndo mana pahala palii pashemuwa Mara, kwa Shieburaniya mana yakuwi ikaripa. Wantu woseri wamuhinginikiiti Musa na kulonga, “Hashi, hatulandi shishi?” Su Musa kamliliriti Mtuwa Mlungu. Shakapanu Mtuwa Mlungu kamlanguziyiti mtera. Su yomberi katoliti lutambi lumu na kalyasiti mumashi na mashi gagalambikiti kuwera maherepa kwa kugalanda. Kulii Mara, Mtuwa Mlungu kawapananiti womberi malagaliru ga ntambu yingi yingi kugalongoziya makaliru gawu. Viraa Mtuwa Mlungu kawajeriti kulii kuwayambura handa womberi mewamjimiri