Popular Bible Verses from Maake 16

Share

Na akee ɔzele bɛ kɛ, “Ɔwɔ kɛ bɛkɔ aleɛabo kosooti na bɛkɔka Edwɛkpa ne bɛkile awie biala wɔ ɛleka biala.

“Na bɛdabɛ mɔɔ bɛbalie bɛali la, bava me tumi adudu awozonle, na eza bɛadendɛ wɔ aneɛ aneɛ ngakyile nu. Bɛbahola bɛazɔ nwɔlɛ nu bɔbɔ mɔɔ bɛngola bɛ ka a, yɛɛ saa bɛno debie biala mɔɔ ayidane wɔ nu bɔbɔ la a, ɔnrɛyɛ bɛ ɛhwee; na eza noko bɛbahola bɛava bɛ sa bɛagua wuliravolɛma anwo zo amaa bɛade kpɔkɛ.”

Na bɛdabɛ mɔɔ bɛkɛlie bɛkɛli na bɛkɛzɔne bɛ la, bɛbalie bɛ ngoane. Na bɛdabɛ mɔɔ bɛkɛkpo kɛ bɛkɛlie bɛkɛli la, bɛbabua bɛ fɔlɛ.

Na ɛdoavolɛma ne mɔ hɔle ɛleka biala hɔhanle Edwɛkpa ne, na Awulae noko nee bɛ yɛle gyima ne, na ɔzile bɛ edwɛkɛ ne pi wɔ nwanwane gyima mɔɔ vindele bɛ edwɛkɛ ne anzi wɔ ye tumi nu la.

na anwumabɔvolɛ ne zele bɛ kɛ, “Bɛmmamaa ɔyɛ bɛ azibɛnwo. Tɛ Gyisɛse, Nazalɛtenli ne mɔɔ bɛbɔle ye meanubaka nu la a bɛkpondɛ ye la ɔ? Ɔnle ɛke! Yedwazo yera ngoane nu bieko! Bɛnlea, ɛke a bɛziele ye a, na ɛleka mɔɔ ɛnee ɔla la ɛne.

Mɔɔ akee bɛdwule ɛkɛ ne la, bɛnleanle anwuma na bɛnwunle kɛ bɛye bolɛ ne mɔɔ ɛnee yɛ ɛnlomboɛ kpole kpalɛ la dɛbadɛba, na ɔ nyunlu adenle ne la ɛkɛ ne wienyi! Ɔti bɛhɔle sɛka ne anu na bɛnwunle kɛ kpavolɛ bie mɔɔ wula tɛladeɛ fufule nwohyee la de fema zo ɛkɛ ne. Ɛzulolɛ hanle mraalɛ ne mɔ totohyia