Popular Bible Verses from Dwɔn 21

Share

Mɔɔ bɛlile aleɛ bɛwiele la, Gyisɛse zele Saemɔn Pita kɛ, “Saemɔn, Dwɔn ara, asoo ɛlɛ me nwo ɛhulolɛ ɛtɛla ɛhye mɔ amuala ɔ?” Pita buale ye kɛ, “Ɛhɛe, Awulae, ɛdawɔ mumua ne ɛze kɛ mekulo wɔ.” Gyisɛse zele ye kɛ, “Maa me mboane mralɛ ne mɔ aleɛ.” Gyisɛse bizale ye kpuyia ne bieko kɛ, “Saemɔn, Dwɔn ara, amgba ala ɛlɛ me nwo ɛhulolɛ ɔ?” Pita zele ye kɛ, “Ɛhɛe, Awulae, ɛdawɔ mumua ne ɛze kɛ mekulo wɔ.” Gyisɛse eza zele ye kɛ, “Ɛnee nea me mboane ne mɔ maa me.” Gyisɛse bizale ye mɔɔ tɔ zo fane nsa kɛ, “Saemɔn, Dwɔn ara, asoo ɛkulo me ɔ?” Ɔyɛle Pita nyane somaa ne ala kɛ Gyisɛse bizale ye fane nsa kɛ saa ɔlɛ ɔ nwo ɛhulolɛ a la. Ɔti Pita zele ye kɛ, “Awulae, ɛdawɔ mumua ne ɛze me ahonle nu; ɛze kɛ melɛ ɛ nwo ɛhulolɛ.” Gyisɛse eza zele ye kɛ, “Ɛnee maa me mboane mralɛ ne mɔ aleɛ.”

Akee mese wɔ nɔhalɛ nu kɛ, “Mekɛ mɔɔ ɛle kpavolɛ la ɛdawɔ a ɛfa wɔ ɛdanlɛ ɛpɛ ɛ bo a, na ɛkɔ ɛleka mɔɔ ɛkulo la, na saa ɛyɛ kpanyinli a, awie a bava wɔ ɛdanlɛ apɛ ɛ bo amaa wɔ a, na bɛ nee wɔ ahɔ ɛleka mɔɔ ɛngulo la.”

Akee ɔzele bɛ kɛ, “Bɛdo bɛ avonle ne wɔ ɛlɛne ne foa ko wɔ fema zo, na bɛbahye edwɛne dɔɔnwo!” Ɔti bɛdole avonle ne, na ɔlua fɛlɛ somaa ne ala mɔɔ bɛnyianle ye la ɛnlomboɛ ti, bɛangola bɛandwe avonle ne bɔbɔ.

Saemɔn Pita zele bɛ kɛ, “Mekɔ adwɛne.” Bɛzele ye kɛ, “Yɛ nee wɔ bahɔ.” Ɔti bɛvile sua nu na bɛ muala bɛhɔle ɛlɛne ne anu, na emomu bɛangye fɛlɛ biala wɔ nɔe ne amuala.