Popular Bible Verses from YOANE 16

Share

Nodjebedjakani meako misusu bɛngi odaeni bogo iputo na mbi. Wenɛkɛni saya ta ngondo. Endolo sapingedjani! Mbi nalongi ngondo!»

Ehole eduabi Mwembo mosoti, aodaledjabini ta bosoti bosusu. Abaletebi na kombe e nde mɛnɛ, endolo abalabi misusu imiokaka yo ko aotɔndeabini meako maduake.

Mbunoko edɛdi, opakitini ahɔdjɔ eka na kombe e mbi. Sengeni ko wadiakeni, na bea sepi e bino eimeake e bokoka.»

Enakobea, Mbi notɔndeini soti: edi bopele tine mbi boyana; na bea namiti yana, yona obwani bodua elenge Mobaeli abwaniti bodua. Endolo ehole eduabi yo, adjebedjabi adi bato mabunga ma bobo ta tina e mabe, ta bodjo ko ta bosambedja bo Ndjakomba.

Oko moda momina, ino pongono wasatungeakeni edɛdi. Endolo noenɛbini naikina ko milema mi bino misepabi, na bea moto o bokatoani sepi emina adaetebi. «Ehole eimeabi busa bomina, ohɔdjetebini nongo eka. Soti, nabalaka na nu, edi soti: Sesa aopabini misusu mihɔdjɔkɔbino ta kombe e mbi.

Okobea, nabalaka na nu, edi soti: oyeabini ko osatungeabini, enakobea bato ba ngondo badabi na sepi. Odabini na ndjokwa, endolo ndjokwa e bino ehombanabi sepi.