Popular Bible Verses from YOANE 15

Share

Nadi soti mole mo vino, ino odini bitape. Moto yona oputoani na mbi ko mbi iputo na nde, adi bobota mbuma inɛnɛ, tengasa otakɔni eka pɛ mbi.

Yeyoani iputo na mbi, ko mbi nayeyoake iputo na nu. Etape ebwaniti bobota mbuma yo mɛnɛ, emiti da etingi na mole; oko moda momɔti, ino obwanitini bobota mbuma omiti dani iputo na mbi.

Okadani iputo na mbi ko mibalo mi mbi miyeyoi adi no, hɔdjɔni eka epalaka no ko oediabini.

Ino oihɔni mbi, mbi moto oohɔni. Nopini elomu okɛni, bobota mbuma ko mbuma ipingake. Na bea, Sesa aopabini meako misusu mihɔdjɔkɔbino ta kombe e mbi.

Epaeli enɔi na bonɛnɛ, edi bopa bomɔ bo nde tine ba binande.

Akondoake bitape bisusu, ibitingi adi mbi, ko idaka pɛ bobota mbuma; endolo akondoake tɔɔlɔ ta bitape ikabote mbuma bɛngi ibote inɛnɛ bonɔ.

Endja mobeko mo mbi: Palanani ino na ino elenge aopalani mbi.

Sange e mbi akakumedjame ekada boo obotini mbuma inɛnɛ ko ainedjamake boo odini batingami ba mbi.

Mbi nadi soti mole mo vino ko Sesa adi moswa gbie e vino.

Moto amiti da iputo na mbi, adumbamake sokolu elenge etape ekakana. Enakobea bitape ibikakana, bakabiandoe ko bakabidumbe ta mosa ko boangoaka.

«Nabali na nu bea, bɛngi boo sepi e mbi edae adi no ko sepi e bino edae ekokake.

Okasumani mibeko mi mbi, wayeyoakeni ta tei e epaeli e mbi, elenge oko akasume mbi mibeko mi Sange e mbi ko nakayeyoe ta tei e epaeli e nde.

Na bea eka eohɔdjɔkɔni mbi, edi palanani.»

Akokino dani bato ba ngondo, ngondo ekɔki opalani tine odini bato ba yu. Endolo mbi nohɔni bɛngi odaeni sokolu e ngondo, oditini naikina bato ba ngondo: na tina emina ngondo eolonini.