Popular Bible Verses from YOANE 15

Share

Mbi nadii mole mo vino, ino bitape. Moto iyo odikamadea engbanga emɔti na mbi, ko iyoo otingi mbi nande, abotadea mbuma djinɛnɛ, modjɔ mo obwanitini bokɔɔ eka emɔti pɛ mbi

Dikamani ta tei e mbi, oko mondumba mo dii mbi ta tei e nu. Etape ebwaniti bobota mbuma iyo mɛnɛ emiti tingama na mole mo vino; ndenge emɔti na nu obwanitini bobota mbuma ehole edaino pɛpɛ botingama na mbi.

Okadikadikamani na mbi ko mibalo mimbi mikada atei e bino, wadjani eka esusu epalakadea ino ko oediadeani.

Ino oihɔni mbi, endelo mbi moto oohɔɔni; ko naolomani, okɛeni, abota mbuma ko dji boyeyoa. Midjɔ misusu miowadjabi ino adii Sesa na kombe e mbi, aopabini.

Bwela mɛɛnɛ bonɛnɛ bobwani moto boinedja bopa bomɔ bonde ta tina e babinande.

Aka dongedja etape e mbi esusu, ekadae pɛpɛ bobota mbuma endelo iyena ekabote mbuma, akaesose, bɛngi bo ebote naikina mbuma djinɛnɛ.

indjani mobeko mombi: Palanani ta tei e bino oko mondumba mokaopaleni mbi.

Indja ndenge ndani eka ɛnɛme ekumu e Sesa ehole e bo obotini mbuma djinɛnɛ ko okasainedjani bo odini batingami ba mbi.

«Mbi nadii mole mo vino mopele ko Sesa adii moswa gbie.

Moto iyona odai pɛpɛ bo bodikama na mbi adii modumbamake sokolu ko akakanadea; bitape djikakanake baka dji andoe, baka bidumbe ta mosa ko biangoi.

«Nabali iboa bɛngi bo sepi embi edae ta tei e bino ko olumeni na sepi enɔɔke.

Okasumani mibeko mi mbi, odikamadeani ta tei e epaeli e mbi, oko mondumba mokasume mbi mibeko mi Sesa, ko nakadikame ta tei e epaeli ende.

Eka eolomakadeani mbi edii opalaneni ino na ino.»

Osoodaani bato ba ngondo, ka ngondo eopalini modjɔ mo odiini bato ba yu. Endelo mbi naohɔɔni ko naimanedjini ta ngondo ko odiitini bato ba ngondo tina emina ngondo eolonakadeani.