Popular Bible Verses from YOANE 14

Share

«Naokineakadeani bogo, naopakadeani bogo bombi, nataboopakadeani mondumba mokapɛ bato ba ngondo. Pɛpɛ bodainioko milema diko, pɛpɛ bobangani

Yesu amosɔmbedja bo: «Mbi nadii ndjea, bosooti ko na bomɔ. Moto omɔti abwaniti boimea ta dii Sesa amiti nɔɔ na ndjea e mba.

Yesu abala na bu bo: «Pɛpɛ bodaani oko milema diko, dhimeani Ndjakomba, ko dhimeani pongono mbi.

Mbaeli iyona odoadea aokamoani, Mwembo Mosɛnɔke, imua molomadea Sesa na kombe e mbi, moolehadeani midjɔ misusu ko aolɛdjedjadeani mɛko misusu mibala mbi na nu.

«Moto akabanea mibeko mi mbi ko akamisuma, indja moto okapaleni. Sesa apaladea moto okapaleni; mbi pongono namopaladea ko nasaɛnɛmedjadea na nde.»

Nasɛngɛdea ta dii Sesa aopɛni Mbaeli bɛngi adae aokamoani, ko adikame na nu seko: edii Mwembo mo bosooti. Ngondo ebwaniti bomoasɔ, modjɔ mo ngondo ebwaniti bomoɛnɛ ko bomodjeba. Endelo ino, omodjebakadeani, modjɔ mo akadikame na nu ko adadea na nu seko.

Ko mbi nakɔdea midjɔ misusu miwadjakabi ino na kombe e mbi, bɛngi Sange moto adie ekumu ta tei e Mwana. Okawadjanini eka emɔti na kombe e mbi, naekɔbi.»

«Ekadaa bo opalakadeanini, osumadeani mibeko mi mbi.

A ndako e Sesa bisika bidii binɛnɛ; pɛpɛ boda boa ka naibala na nu bo nakɛɛkɛ abɔngedja esika tinae bino?

Ngɔngɔ dji bokɛɛ a obɔngedjeani esika, nasɔmbɔdea ko naotombadeani mbuti na mbi, bɛngi bo ino pongono, odaeni iyana ta esika edii mbi.

Toma amowadja bo: «Kumu, lotadjebakadea esika ekɛkɛ wɛ. Lobwani bodjeba ndjea emina ndenge nda?»