Popular Bible Verses from Matʉyo 21

Share

Ŋkɔŋɔ yɔ́b yɛ́ puŋ pfirɛ ndzɔ́ʼɔ́ tsɛʼɛ́mboʼmvé ne psyɛ́ndzɔʼ náá nɛ́, puŋ ŋkʉ́yó ntsɛ́ʼɛ́.»

Yěsô pɔ́rɔ́ ne pɔ́b ŋgâ: «Kpaʼ sísíŋ, mə səŋɛ wúŋ ŋgâ, a pɛ́ɛ́ taʼ zhyémve puŋ tséʼé psyɛ́ndzɔʼ kii tsé ndzɛɛ, mbǒ puŋ ke mbé zhyɛ́ ndáá no yɛ́ mə ŋǎ zhyɛ́ zhyɛ́ ndúŋú tsi figye yɔŋ nɛ́ pó, mbǒ mbɛ Mbéyɛ́ puŋ tsɔ́ pwó ŋkə́ŋ səsɛ yɔŋ ŋgâ: “Ŋǎ ndzó ywoʼ yekénɛ́, ŋgú mvɔ nse nɛ́”, mbǒ a ke mbɛ́ɛ́ néré.

Pɔŋ pɛ́ pɔ́b kɛ nyi síŋ ye pwɛ pɛ́ pɔ́b kɛ zɔŋɔ wé nɛ́, ghéʼe ŋgâ: «Ozana pɛ́ pwó Mɔ́ŋ fɔŋ Ndavíd! Mbúru pɛ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́! Ozana pɛ́ pwó Mboʼmve wɛ́ a kpaʼ pépéé nɛ́!»

ntsɔ́ ne pɔ́b ŋgâ: «A ŋweʼéme ndzó ŋweʼe yáŋme ŋgâ: “Mo Mboʼmve, pe ŋkʉ́yó fú ndáb ya pe ne ndáb tsɛʼɛ́mboʼmvé.” Ntsʉʼmbé puŋ pó sed a cʉ́ʼɔ́ ywoʼ zhibɛ gháŋagháŋ!»

«Puŋ ntsɔ́ pwó Mɔ́ŋ Məŋgʉ́yé wɛ́ a ndúŋú ŋkəŋ Syɔŋ nɛ́, ŋgâ: “Zhʉ́, fɔŋ wo kʉ́yó nɛ́ pfuŋ wo, fɛ́ mbəb ye syé mbó ŋkɔ́ʼɔ́ ndúŋú ŋkíŋ Məŋgʉ́yé pú Mɔ́ŋ ye. Mɔ́ŋtii ywɔ́paʼ yɛ́ a kyɛ́ mɔ́b nɛ́.”»

Yěsô ntsɔ́ ne pɔ́b ŋgâ: «Puŋ kaa kɛ fú ndzó ŋweʼe yáŋme ŋgâ: “Ŋgɔʼ yɛ́ pɛ ghaŋákúrɔ ndáb kɛ máʼ nɛ́, A tsʉʼ yéré tsʉʼ ŋgɔʼ ntɛ́ɛ́ndáb. A yéré mbé faʼa Ntsɛɛpɔŋ, Mbe ndáá shʉrɛ́no ne míí miŋi!”

Mə ntsɔ́ nɛ́ ne puŋ ŋkʉ́rʉ́ ŋgâ: pe ŋkʉ́yó kpee Nofɔŋ Mboʼmvé ne puŋ, fɛ́ pwó pɔŋ pɛ pɔ́b ŋkʉ́yó nyí njʉ́ Mboʼmve zɔŋɔ nɛ́.