Popular Bible Verses from Rawma iyi 13

Share

Hi yakaŋ kataf əŋ Bay Bayta Yesu Almasihu mə sla a nja təheni fuk. Hi mba i yak talaŋ təheni əŋ mba məsəkəŋ madawar tə hedi dəgənak səku, məŋgəvday a mba i dayaheni fagay səku.

Hi mba i nja abə duwa tə hedi a talaŋ təheni səku, sey mba wucum mə nda i nja əŋ faŋw təheni mənaŋ duwa. Hedi mə mba hedi məzəwindi iyi seh, kəwaŋgaŋ talaŋ za lawlaw əŋ ma majaw.

Sey kwa viyey mə waŋgaŋta talaŋ əŋ hedi səndawl mə sla tə a talaŋ hayak iyi. Məŋgəvday hedi səndawl mə sla tə a talaŋ hayak kwa vitikey fuk a ndaha a ndəra Bizlaf. Hedi səndawl mə sla tə a talaŋ hayak iyi seh, ar mbiŋ mə ɗiyta.

Njaɗu mbeh kwata ley daŋgaha, pis mbeh kwata ley təɗaha. Mazukwa i yak kəzəɗ maɗal tə əŋ ləvəŋ iyi, mazukwa i ɓət kelemser iyi a wucum takwa, amba ley ɗal kəzəɗ abə tata əŋ lay mawaɗ.

Hedi mə mba məslige ŋga seh, a ɗalaŋ məsəkəŋ madawar seh halla. Mba wucum seh, ar ley waŋgaŋ talaŋ fuk əŋ ma majaw.

Heni vəlaŋ məsəkəŋ əŋ kwa viyey tiɗe abə məsəkəŋ heni mə nda i vəlaŋgu: hi min budu əŋ hedi tiɗe abə budu heni nda i mineŋgʉ, hi min dala tə a məsəkəŋ ŋgwamna mə zlap i min tiɗe abə dala heni mə nda i mineŋgʉ. Hi giz waŋ talaŋ təheni əŋ hedi tiɗe abə waŋ talaŋ heni mə nda i waŋgaŋ talaŋ, hi həmən hedi tiɗe abə həmən heni mə nda i həmənu.