Popular Bible Verses from Rawma iyi 12

Share

Hi mba i ziber ma tə hedi tə əŋ məŋhayak iyi wa səku, ama hi yak Bizlaf mə buwaheni, mə vəlaheni səŋ məsəkəŋ lawayaŋ. Mənaŋ wa seh, heni səŋ məsəkəŋ Bizlaf mə mba za: Məsəkəŋ səntaŋ, məsəkəŋ mə ŋgəmaŋgu liŋ məsəkəŋ sə kweɗek.

Zliŋmana iyi, məŋgəvday Bizlaf kəgizehe səŋ nje həhər ŋga sə mbeh səku wa za əŋ nakwa, sa kəɗafaheni ma ley vəl talaŋ təheni mənaŋ məsəkəŋ mandaham kə fat tə abə nje əŋ Bizlaf, mə ŋgəmaŋgu. Wawa, ar dar malakw mə nda tiɗe tə abə zlap tə Bizlaf.

Hi səsəm məŋgəvday a wulək təheni kə lim məsəkəŋ. Hi dak nəf əŋ tuwah. Hi mba i ɗal masalaɗ ley ɗal mbuh səku.

Hwa mba i yak talaŋ təkwa məsəkəŋ madawar mə dayah fagay səku. Ama ɗal bay gula a talaŋ məsəkəŋ madawar kəɗi məsəkəŋ səntaŋ hwa mə ɗal.

Mənaŋ hedi tə əŋ ge ntaɗ iyi, hi mba wucum əŋ faŋw təheni abə mba wucum tə abə nəf ntaɗ. Hi ɗiy wulək təheni hwayhway a talaŋ waŋ talaŋ tə əŋ faŋw təheni.

Mba wucum təheni mə nja abə nəf ntaɗ. Hi hiy abə məsəkəŋ madawar, hi nja lawlaw ley ɗal məsəkəŋ səntaŋ

Əŋgah a lim za seh, məsəkəŋ iyi fuk əŋgah i mbə a ndəra təheni seh, hi nja əŋ zahay abə kwa viyey fuk.

Maday na mamba iyi, əŋgah hedi kəɗalaheni məsəkəŋ madawar za seh, hi mba i ziŋgeŋ məsəkəŋ madawar səku, ama hi yak zəm nəf tə Bizlaf mə ɗal məsəkəŋ ta, məŋgəvday ma mawuzlel tə əŋ Ɗerewel tə Bizlaf Bay Bayta mə zlap, a zla: «Ar sa mə nda i ziŋgeŋta məsəkəŋ madawar əŋ hedi mə ɗalaheni məsəkəŋ madawar iyi, ar sa mə nda i ziŋ ley mineŋta.»

Hi ɗalaŋ kəzəɗ əŋ Bay Bayta abə fagay, kwa masalaɗ halla, abə nəf təheni fuk.

Məŋgəvday səntaŋ Bizlaf mə vəlaku tə əŋ səŋ nje həhər ŋga wa seh, sa kəzlapu əŋ kwa viyey təheni: Hedi mə mba i wulək i ɗiy talaŋ əŋ səndawl day mbiŋ mə nja səku, ama hi lim wulək sə delele əŋ talaŋ təheni, kwa viyey mə gər talaŋ ŋga tiɗe abə kuw ma ŋga Bizlaf mə vəlaŋgu.

Hi mba i ziŋgeŋ məsəkəŋ madawar əŋ hedi mə ɗalaheni məsəkəŋ madawar iyi səku. Hi ɗal fagay ley ɗal məsəkəŋ səntaŋ a nje tə hedi iyi fuk.

Hi nja abə zlar nje əŋ faŋw təheni. Hi mba i pələk hav talaŋ səku, ama hi yak talaŋ təheni əŋ waŋ talaŋ. Hi mba i ɗiy talaŋ təheni əŋ hedi tə abə burŋguzl iyi səku.

Ama a zlap baha, a zla: «Əŋgah məsəgər təkwa mətis a kəju seh, vəlaŋ məsəkəŋ kə zəm. Əŋgah yim a kəju seh, vəlaŋ yim ley sa. Abə ley dal məsəkəŋ mənaŋ wa seh, ar mənaŋ hwa kəkamal nva kahaw a talaŋ ŋga.»

Hi ɗəp pir ma tə Bizlaf əŋ hedi mə təlaheni ma iyi. Hi ɗəp Bizlaf mə ɗiy ndəra bay ŋga a tata, ama ley gayta səku. Hi səsəm abə hedi tə əŋ səsəm iyi, hi haŋ abə hedi mə haŋ iyi.

Hi tər zliŋge təheni mə tak məsəkəŋ iyi. Kwa a pipi a pipi hi kuw muluk iyi lawlaw əŋ ge təheni.

Nakwa abə wucum ntaɗ, ama abə zəv iyi par par mbeh səku, abə kəzəɗ iyi par par. Mənaŋ mba bahayim, kwa nakwa mbeh səku seh, nakwa kəmbaɗ za əŋ wucum ntaɗ əŋ jam talaŋ tə abə Almasihu, nakwa fuk nakwa mə jemi əŋ faŋw takwa mənaŋ kəv iyi tə əŋ wucum ntaɗ.