Popular Bible Verses from Efesiɛ́ŋ 5

Share

Nunyɛ baan bá Gɔdányá, ugúnúbíléne, ánubɛ́gɛ́ndɛ́naán ká nubá anɛ uwɔ́. Agá buanda gidigid ubú nualaná, énubílené bɔsɔ́gɔ́ gɔɔ́gɔ anɛ́ Kilíse méedíbílén, uwéŋin gusɔ́d gág gás góbusió. Uméeŋín gusɔ́d gág ká ugú anɛ bunyam bésigené gá bibiág bá Gɔdányá, ubuasɛmɛdɛn Gɔdányá.

Anɛ́ búnyá anaány, ánubɛ́nyáŋanyáŋ na bielínyé línyé bán. Nudɛsɔ́dɔɔ́n kandɛ guanɔn, ɔ́nusɔ́dɔɔ́n anɛ bensíŋinsíŋ. Númábia nŋili ya gual bese, nudibísódígí yɛ́ gágual ká mɔɔ́s eme dinyá gá mɔ́ nyɛ mabɛ.

Nudiguénén magɛ́b, máguála ká gusɔ́d sɛŋɛg, ánubá gɔ́g bofuógón na Ɛsámb yá Mefúny. Énuéŋénín makányá banuá na banuá, nudɔ́ŋɔ ɛsak sá gibúligie na anama yá ɛsak gidigid Ɛsámb yá Mefúny éŋené. Ɔ́nudɔ́ŋɔɔ́n Ɔgúnɔ́ wasɔ ɛsak, nuéŋen wɔ́ gibúligie na ɔdɛm wán gidigid. Énueŋeén Baba Gɔdányá nukany giod bɛsɛgɛl gidigid gá buanda gidgid agá ɔfɛ́n wá Ɔgúnɔ́ wasɔ Yésu Kilíse.

Buál dɛnuádɛ́gɛ́n, ánubɛ́gɛ́ndɛ́naán nubɛ́dɔ́lɛ́gɛn ká nusɔ́ŋɔ́n buanda ubú Ɔgúnɔ́ wasɔ ámbaná ká nuál.

Banuá banɛ́m, ánulɛ́gá bagány bán gɔɔ́gɔ anɛ́ Kilíse máalɛ́g giɔ́b gá beédéb uwéŋin gusɔ́d gág góbusió bá gɛ́.

Nsua núgubá agá mbíne, nɛ́nuán, anɛ́ núnyá agá nɛlad na Ɔgúnɔ́, nunyɛ gise. Ɔ́nusɔ́dɔɔ́n anɛ band bányá bá gise.

Banuá nualaná Yésu Kilíse nŋɔ́bɛnɔ, ánubá bebísélény banuá na banuá.

Banuá bagánd, énubísélí ogóbusió bá banɛ́m bán gɔɔ́gɔ anyɛ́ nubísélenyé ogóbusió bá Ɔgúnɔ́.

Banuá gɔg nɛ́nuán, mɔnd gidigid gúbianan ká úlɛ́gá agany waga anɛ́ úbɛ́lɛ́ganá uwɔ́ muát na ká agany ála ɔnɛ́m waga nŋɔ́bɛnɔ.

Gɔɔ́gɔ anyɛ́ búnyá buɔ́ŋɔ́n agá Musamb má Imbɔbɔnɔ ká: Buád buanda anɔ́mandɔ ganuádɔg aga sié na inyod, wabɛ́gɔ́dɛ́n agany, bɔ́bɔ́ bem bándɛ bónd anɛ́ mɔnd omoóm.

Nudiág ɔmbɔ́g agá buol bá ebe bálaná manda má mbíne mányá kandɛ mfí, ánudambɔ́ná bɔ́.