Popular Bible Verses from Zlan mala malaɓ ege 5

Share

A təwse ca, ata Pəyer ey malaɓ ege vedəye, əy zenetene əy ŋgaya: «Nene netehzene zlam ca, səy ŋ Gazlavay səkwaw ca, ŋ hejəye səkwaw.

Aya, ata pes ata pes, əy kavas ŋ sasərakzata hejəye, əy keghwelzetene Ma Mewe ma Taŋtaŋ mala Yesu Almasəyhu, ŋ ujek kwakwas leŋ a wata ege.

Aya, Pəyer a zlepene, a ŋgaya: «Ananəyas, hwa pelzene taf aka ŋ Sayɗanu ŋ dam ŋ unaf ŋkwa ca, ŋ vay? Hwa kézlene metəwle ŋ Zəwet ma keweɗ, hwa káɓahza kəva səlay wende maa hune səkam la ŋkune aza wese aka. Cemey, la ca, mala ŋkwa. Kaw hwa kásəkamza ana ebe ŋghe ca, səlay anta ca, mala ŋkwa war. Ca, hwa san ŋ deŋza ŋ la səkan ma da ebe ŋghe ca, ŋ vay? Hwa zlene metəwle ca, ŋ Gazlavay səkwaw ca, ŋ hejəye səkwaw.» Aya, maa Ananəyas a zləme ma ŋgha ege ca, a ndav ata hayak, a mac anta. Hejəye tewtew ma zləme ma ŋgha anta ege ca, əy kálalak tata mambaza.

Mavəday anta, sa kazlapahune na ŋgha, hune ŋga ŋkwaɓ ŋkune ege aka ata hejəye ŋghe ege səkwaw, hune palzata aka, əy manda tata. Mada ledeŋ ŋkwaɓ tata ey zlan tata, əy ndaha aka ŋ ledeŋ ŋkwaɓ mala hejəye ca, əy natuwaɗ tata. Cemey, mada əy ndaha aka ara Gazlavay njenjəwen ca, hune kula ŋ fətekzata aza səkwaw. Hune sla ka, hune ɗaw ŋ ɗa gham a Gazlavay səkwaw!» A təwse ca, hejəye ma ata lajav ma dakal ma ata ja guma ege wese, əy lamza zlap anta.