Popular Bible Verses from Zlan mala malaɓ ege 4

Share

Cemey, heje nelem lereh ca, səy ara Yesu, mavəday, Gazlavay kévelene ɓardakw kaw ŋ ɗala wende ŋ manhayak ŋgha, ŋ rehzaheje aza ca, askwaw.»

A dəwze maa əy kárak Gazlavay aza ca, la maa əy kéɓeceye a təwse wese, a həɓal. Tata tewtew tata əy ghef a Zəwet ma keweɗ, aya, əy ghwalza zlap mala Gazlavay kaw a lalak askwaw.

Na ŋgha cemey, Bay Madakal, teh zlam ata gulak maa əy gulekzeney. Veletene ɓarɓar mala zlan ŋkwa ege, ndar əy ghwalza zlap ŋkwa a ɓarɓar kaw a lalak askwaw.

Mbe ca, “Ara ŋkəɗaŋ maa hune malam ujek ege, hune nahza aza wese, ara mbe ma kábaw anta ara ŋkəɗaŋ ma pa ma tuwah.”

A təwse ca, hejəye ma ata lajav ma dakal ma ata ja guma ege wese, əy káŋga ŋkwaɓ mambaza, mavəday ata Pəyer ey Yuhana anta ca, əy zlap a heɗe a heɗe, kaw a lalak səkwaw. A zeney, əy sarzata ca, əy nja ana hejəye vedəye, kaw əy kéjəŋgeha askwaw. Əy kásanata aza, ara tata hejəye ma tawarha ata Yesu ege.

Hejəye ma lamza ma mala Yesu aza ege tewtew əy kéjeveye ŋ la anta a unaf ma teŋguleŋ, a ledeŋ ma ŋkwaɓ teŋguleŋ. Kaw ɗala teŋguleŋ ŋ taba tata maa a kazlap ene, səkan ŋgha ca, mala naka ca, askwaw. Cemey, əy kájav səkan ma asa ra tata ege aka tewtew ŋ la anta.