Popular Bible Verses from Mateo 19

Share

Jesús ʉ̃sã diamacãrẽ ĩñacõã abiro ĩwĩ: —Basocapʉare dairo timasĩñamani wisiojomocã. Buri Manigʉ̃pere nipetire cʉ̃cã timasĩrẽ wadora ña ―ĩwĩ.

Tairo tira pʉ̃ãrãpʉra abiro niheriwa; ĩcã ʉ̃pʉ̃rã abiro ñawã. Tairo tiro anorã abiro Manigʉ̃pʉra cʉ̃jã pʉ̃ãrãrẽ ĩcã ũpʉ̃rã pʉtʉara eañerõcã tiyoriasiro niñerõcãrã manʉ nigʉ̃rẽ cʉ̃ nʉmorẽ cõãdotiheri ―ĩwĩ Jesús.

Jesús cʉ̃jãrẽ yʉwi: —¿Mʉjã Manigʉ̃ye wederucũrẽ ojariapũpʉ nirẽrẽ wãcũheriri? Abiro ojayoriaro niwʉ̃: «Manigʉ̃ mamarõpʉra atibʉreco maquẽrẽ tigʉpʉra ʉmʉrẽ, nomiõrẽ tirigʉ niwĩ» ĩ ojayoriaro niwʉ̃. Tuwanʉcõ abiro ĩrigʉ niwĩ: «Tairo tigʉ ʉmʉ cʉ̃ pacʉre, cʉ̃ pacore dicawatigʉagawi merĩã cʉ̃ nʉmomenape ĩcãrõrã nigʉ̃ eagʉdagʉ. Anorã abiro cʉ̃jã pʉ̃ãrã ĩcã ũpʉ̃rã abiro pʉtʉara eagawa» ĩ ojayoriaro niwʉ̃.

Ʉ̃sãcã tairo ĩñerõcã Jesúpe ʉ̃sãrẽ ĩwĩ: —Cʉ̃jã wĩmarãrẽ yʉ cʉtiropʉ watiñerõcã tiya. Cʉ̃jãrẽ acutaherimocãña. Cʉ̃jã wĩmarã tirora abiro yʉre ñurõ ʉsearemena boca ñerãrã ñawã ʉmʉãwesepʉ Manigʉ̃cã cʉ̃yarare dotiropʉre wana ―ĩwĩ.

Buri tairo nicapetacãrã marĩcʉorore pajʉ nirũpãrãrã abiro nirã siropʉre buri nira pʉtʉara earagawa. Marĩcʉorore pajʉ buri nirãpe siropʉre nirũpãrãrã abiro nirã earagawa ―ĩ wedewi Jesús ʉ̃sã cʉ̃ buerare.

Nipetira yʉre wedewõrẽ wapamena wado cʉ̃jãyawiserire, cʉ̃jãyarare, cʉ̃jãyara nomiãrẽ, cʉ̃jã pacʉsʉmʉãrẽ, cʉ̃jã pũnarẽ, cʉ̃jãye ditarire cũwitiaranorẽ cʉ̃jãcã cũwʉmʉãrigue ciencãrõ sotoare cʉonemorõãgawa. Ĩñerõcã catire petiherere cʉoroagawa.

Jesús cʉ̃rẽ ĩwĩ: —Mʉ Manigʉ̃cã dotirere queoro yʉquetatu, ñugʉ̃ nirugagʉ mʉcã cʉorere duagʉ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya ―ĩwĩ.

Jesús cʉ̃rẽ yʉwi: —¿Dairo tigʉ yʉre ñurẽ maquẽrẽ sãĩñari? Manigʉ̃ ĩcʉ̃rã ñugʉ̃ ñawĩ. Mʉ nirõrã catire petiherere cʉorugagʉ, cʉ̃cã dotire wadorena yʉquetatuya ―ĩwĩ.

Mʉjãrẽ atiere wedegʉra ya. Waibʉcʉ camellore awiga copegãpʉre sãcamewitiñerõcã wisiojomocã. Tosotoape docare paje bʉere cʉogʉre Manigʉ̃cã cʉ̃yarare dotiropʉre sãwañerõcã wisiocametʉasu ―ĩwĩ.

Mʉjãcã ĩrẽrẽ yʉpe mʉjãrẽ abiro ĩ: Ĩcʉ̃ cʉ̃ nʉmorẽ cocã ãpĩmena buirigʉ cʉtiheriariasiro nicapetacãrã core cõãmocã apeore nʉmocʉtigʉ comena ñañarẽ tigʉ tigawi ―ĩwĩ.

Cʉ̃cã wariasiro Jesús ʉ̃sã cʉ̃ buerapere abiro ĩwĩ: —Yʉ mʉjãrẽ atiere diamacãrã wede: ¡Paje bʉere cʉoribasocʉre Manigʉ̃cã cʉ̃yarare dotiropʉre nocãrõ bʉtoro nirõgari!