Popular Bible Verses from Mateo 11

Share

Mʉjã Manigʉ̃rẽ quetaturugacaperacãrã nʉcʉ̃rẽrẽ ũma abiarara abiro nirã yʉpere watiya. Yʉ mʉjãrẽ yerisãrẽ nʉnigʉ̃da.

Yʉcã dotirepere, yʉcã boronorã abiro tiya. Yʉcã buerere quetatuya. Yʉ mʉjãrẽ bopacaĩñarẽmena ĩña, titamugʉ̃ ña. Yʉca tidotirora abiro tira yʉmena mʉjãya yeripũnarĩpʉre yerisãrẽ bʉaroacu.

Yʉca titamurẽmena yayere tiñerõcã wisioheri. Yaye dotirere tira, nʉcʉ̃herere ũmarãrã abiro nirõãcu ―ĩwĩ Jesús.

Siro Jesús basocare abiro wedewi tamʉ: —Yʉpacʉ nipetire cʉ̃ye tutuarere, cʉ̃ye masĩrẽrẽ yʉre nʉnitutiawi. Icãta ĩcʉ̃ basocʉ yʉcã nirẽcʉtirere masĩherigawi. Yʉpacʉ wado masĩwĩ. Icãta ĩcʉ̃ basocʉ yʉpacʉcã nirẽcʉtirere masĩherigawi. Yʉ wadora masĩ. Ĩñerõcã yʉ cʉ̃ macʉ̃ basurupe cʉ̃rẽ masĩãnarẽ yʉcã ñeyora wado cʉ̃rẽ masĩwã.

Cʉ̃jãcã tairo ĩñerõcã tʉogʉ Jesús cʉ̃jãrẽ yʉwi: —Camepʉtʉawa, yʉcã tirere mʉjãcã ĩñarẽrẽ, mʉjãcã tʉorere Juanrẽ wedera waya. ‘Caperi ĩñabʉahera niãriara ĩñabʉasuwa. Wamasĩhera niãriara wamasĩãsuwa. Ũpʉ̃rĩpʉ cami boariara yatiyowa. Tʉohera niãriara tʉoasuwa. Cõwõãriarapʉ niãriara masãsuwa. Ĩñerõcã bopacaracã ñurẽ quetire wedeyowa.

Mʉjã yʉcã wederere tʉore wado tʉoherimocãña. Ñurõ tʉoya.