Popular Bible Verses from Lucas 5

Share

Cʉ̃jãrẽ buetuwacogʉ Simónrẽ abiro ĩyugʉ: —Cũmuãrẽ ʉ̃cʉ̃ãrõpe wawiocoya. Tope mʉjãya bapiyucʉre docañocoya wai sĩãrãdara.

Simón cʉ̃rẽ yʉyugʉ: —Buegʉ, ʉ̃sã atiñamirẽ wai sĩãboweasumoãwʉ̃. Icãta sĩãheriatiwʉ. Buri mʉ dotigʉra dotisia. Tairo tigʉ bapiyucʉre docañocoĩñagʉ̃da tamʉ ―ĩyugʉ Simón. Cʉ̃jãcã tiyucʉre docañocoñerõcã wai pajʉjoro bapiyucʉre odibusuropʉ sãyura.

Cʉ̃jãcã tairo bimocãcapetacã Jesúpe basoca manirẽpʉ cʉ̃ Pacʉre ñubuegʉ waĩcãyugʉ.

Tiwãmerã yʉ atiditapʉre ‘ʉ̃sã ñurã ña’ ĩ wãcũrãrẽ ‘mʉjã wãcũpasʉti wasoaya’ ĩgʉ̃ watigʉmerã tiwʉ. ‘Ʉ̃sã ñañarã ña’ ĩ wãcũrãpere ‘mʉjãcã ñañarẽ tirecʉtirere wãcũpasʉti wasoaya’ ĩgʉ̃ watigʉ tiwʉ ―ĩyugʉ Jesús.

Atiere ĩñagʉ̃ Simón Pedro Jesús cʉtiro ãsʉ̃rʉ̃poperimena eacumujea abiro cʉ̃rẽ ĩyugʉ: —Yʉ Nirũpʉ̃ mʉ yʉ cʉtirore waya. Yʉ ñañarẽ cʉogʉ mʉ cʉtiro nibogʉmerã ña ―ĩyugʉ Simón.

Jesús cʉ̃jãrẽ abiro yʉyugʉ: —Diare cʉohera ñurã nirã sʉoribasocʉre boheriwa. Diare cʉorape sʉoribasocʉre bowa.

Tairo tira cʉ̃jãya doriacũmuãrĩrẽ tʉsarope wapãwa wejemonecũmocã cʉ̃jãye nipetirere cũpetimocã Jesúmena warisuayura.

Jesúcã ĩcãmacã nirĩwatoa ĩcʉ̃ cami boagʉ eayugʉ. Jesúre ĩñagʉ̃ cʉ̃ cʉtiro munibiacũmuã cʉ̃rẽ abiro ĩ sãĩyugʉ: —Yʉ Nirũpʉ̃, yʉcã diarecʉtirere ñujeañerõcã tirugagʉ ñujeañerõcã tiya ―ĩyugʉ. Tairo tigʉ Jesús cʉ̃ya wãmorẽ suco ñapeogʉra: —Mʉrẽ cametʉorugaga. ¡Merẽ camimanigʉ̃ pʉtʉaya! ―ĩyugʉ. Cʉ̃cã tairo ĩrẽmenarã mata cʉ̃ya cami yatipetia ñugʉ̃ pʉtʉayugʉ.

Ãpẽrãrẽ cʉ̃cã cametʉoariguere wededotiheririasiro nimocãcãpetacãrã nipetiro macãrã basoca Jesúcã tairo tiariguere wedeñerõcã tʉopetiasuyura. Tairo tira pajʉ basoca Jesús cʉtiropʉ cʉ̃cã buerere tʉora eara cʉ̃jãye diarecʉtirecãrẽ cametʉodotira eayura.