Popular Bible Verses from 1 Corintios 11

Share

Tiwãmerã cʉ̃jãcã yatuwarosirora tamʉ ʉ̃se ocosotʉre ne abiro ĩrigʉ niwĩ: «Atisotʉ maquẽrã ña ya dira abiro nirẽ yʉcã mʉjãrẽ cõwõãbosa di cõãremenarã Manigʉ̃cã cʉ̃yamacã macãrãrẽ “mʉjãrẽ mama ñurẽ tigʉda” ĩriguere tiyapaticoatere eñorẽ. Tairo tira yʉcã mʉjãmena marĩcʉorore tirora abirora neãpo ʉse ocosotʉre sĩnirucũmocãña yʉcã mʉjãrẽ di cõãbosariguere wãcũrucũrã» ĩrigʉ niwĩ. Tairo tira marĩ cʉ̃cã ĩriarora abirora tira ĩcãrõ neãpo panrẽ yarucũrã, ʉse ocosotʉre sĩnirucũrã ãpẽrãrẽ “Nirũpʉ̃ Jesucristo marĩrẽ cõwõãbosarigʉ niwĩ” ĩ eño wederucũmocãrãrã ya. Pʉ cʉ̃cã atibʉrecopʉre upatuti tamʉ watiriwatoapʉra tiere tairo tiduroacu.

Merẽ marĩ Nirũpʉ̃ Jesucristocã yʉre bueriarora abirora yʉcã mʉjãrẽ tierena abiro buetutiawʉ: Judacã Nirũpʉ̃ Jesucristore ĩñatutirapʉre wiyoatiñamirã Jesús panrẽ ne Manigʉ̃rẽ ʉseare nʉnituwanʉcõgʉ̃rã panrẽ pemʉtõ abiro ĩrigʉ niwĩ: «Atiera ña ya ũpʉ̃ mʉjãrẽ cõwõãbosariũpʉ̃rã abiro nirẽ. Tairo tira yʉcã mʉjãmena marĩcʉorore tirora abirora neãpo panrẽ yarucũña yʉcã mʉjãrẽ cõwõãbosarere wãcũrã» ĩrigʉ niwĩ.

Tairo tira nipetiracãrõ ĩcãrõ neãpo panrẽ yaradara, ʉse ocosotʉre sĩnirãdara tiere tiatosʉgueropʉra dairo ñarĩ ĩrã ñurẽrẽ o ñañarẽrẽ tiayuri ĩrã yeripũnapere ĩñabesesʉgʉero bo. Buri mʉjã marĩ Nirũpʉ̃cã cʉ̃ya ũpʉ̃mena marĩrẽ tibosarigue maquẽrẽ wãcũ tʉomasĩhericapeicãrã panrẽ yara, ʉse ocosotʉre sĩnirã mʉjãbasurupera Manigʉ̃cã ñañarõ tirere õwõrã ya.

Abiro niñerõcãrã noborara Jesucristocã marĩrẽ cõwõãbosariguere wãcũrã ĩcãrõ neãpo cʉ̃rẽ cuwiopesaremena wedewõhericaperacãrã panrẽ yara, ʉse ocosotʉre sĩnirã cʉ̃ya ũpʉ̃rẽna, cʉ̃ya direna ñañarõ tidocatunirã wapa cʉora pʉtʉara eara yawa.

Tairo tira Jesucristocã tiriarora abirora yʉcã tiquetaturora abiro mʉjãcã yʉcã tirere ĩñacũnirã tiquetatuya.