Popular Bible Verses from Rí wasngájma 11

Share

Ánje̱l tsí tijwaan nindiyuu ajwa̱nꞌ e̱ꞌmbi, a̱ꞌkhue̱n phú gakhe̱ niwán mbaꞌa a̱ꞌwá ná mikhuíí. Xáꞌnii nithee̱n: «Rí xúge̱ꞌ rá, mbá xúgíí rí nithán-ñájwíín ná numbaa nanújnga̱a ná ñawúun Táta̱ rí maꞌthán-ñájuun, xúꞌkhue̱n máꞌ ná ñawúun Krísto̱ tsí ikhaa̱ nixúngua̱a̱ꞌ. Ikhaa̱ maꞌthán-ñájwii̱n jámuu mbiꞌi».

Nijiꞌníi juyaaꞌ xa̱bo̱ xuajñuu mbá xúgíí numbaa. Jamí ikháánꞌ mangáánꞌ najiꞌnáá xtañúu̱. Ni̱ga̱nú máꞌ mbiꞌi rí ma̱tra̱jwa̱ꞌ numúú tsí nijáñúú, xúꞌkhue̱n máꞌ rí ma̱tha̱ne̱ rí mu̱drígú gamaku yumbiáaꞌ tsí ni̱rawíjnga̱a ajngáaꞌ, gajmíí máꞌ xa̱bo̱ xuajñaaꞌ jamí mbá xúgíin tsí nduya-makuaaꞌ, xa̱bo̱ tsí makiin jamí xa̱bo̱ tsí mba̱ꞌwu̱un. Jamí ni̱ga̱nú máꞌ mbiꞌi rí ma̱tha̱ne̱ gámbi̱in tsí nune̱-gámba̱a ju̱ba̱ꞌ».

Jamí ikhúúnꞌ ma̱xu̱ꞌmíi a̱jmi̱i xa̱bi̱ꞌ tsí muthan ga̱jma̱á numuꞌ, kajngó mu̱rawíjngaa̱ ajngóꞌ mbá atsú tsigu i̱tikhu. Ma̱ju̱wá-jínúu̱ jamí majúwúu̱n xtíin xíni rí naꞌtsu̱-raꞌa.

I̱ndo̱ó máꞌ numuu rí ído̱ ninújngoo mbá atsú mbiꞌi i̱tikhu, a̱ꞌkhue̱n neꞌne Ana̱ꞌlóꞌ rí ma̱ꞌkha̱a xúu̱nꞌ kajngó mbuyaa̱, jamí niwájuu̱n nakhúu̱n. Xómáꞌ xa̱bo̱ tsí ndiñúu̱, mbá xúgíi̱n nimíñúu̱ mi̱ndaꞌkho.

Guáꞌdáa̱ tsiakhe̱ rí mu̱ruguáa̱ mikhu kajngó ma̱xáxnúu ruꞌwa mbá xúgíí mbiꞌi rí mu̱rawíjngaa̱ ajngóo Ana̱ꞌlóꞌ. Xúꞌkhue̱n máꞌ guáꞌdáa̱ tsiakhe̱ rí mu̱rtaxii̱ iya ma̱ꞌni̱i iꞌdi, jamí rí mune̱-jámbi̱yíi̱ꞌ ju̱ba̱ꞌ ga̱jma̱á mbá xúgíí inii nandii ꞌguéen, asndo wátha̱ máꞌ nothon rí nandúu̱n ikhii̱n.

Tsíge̱ꞌ ñajúún nájma̱ ixe̱ olíbo̱ jamí nájma̱ ajwa̱nꞌ ná natráma agu rí wájun ná inuu Ana̱ꞌlóꞌ tsí naꞌthán-ñájuun mbá xúgíí numbaa. Xí mbáa xa̱bo̱ nandoo gáꞌne-jámbi̱ñúu̱ꞌ, nangujwíi agu ná rawúu̱n rí matsikhíin mbá jayu tsí xa̱bo̱ sia̱nꞌ drígúu̱n. Xkuaꞌnii jaꞌyoo rí ma̱ja̱ñúu asndo tsáa máꞌ tsí nandoo gáꞌne-jámbi̱ñúu̱ꞌ.