Popular Bible Verses from UMATEWU 7

Share

“Bawani nizakuphiwa; funani nizakufumana; kokodani nizakuvulelwa

ngombana loyo naloyo obawako uzakuphiwa, ofunako uzakufumana, nokokodako uzakuvulelwa.

“Yeke nanyana ngubani ozwa amezwami la, awenze, unjengomuntu ohlakaniphileko owakha indlwakhe phezu kwedwala.

“Yeke kikho koke, yenza kabanye lokho ongathanda bonyana bakwenze kuwe ngombana lokhu ngokutjhiwo mthetho nabaphorofidi.”

Kodwana isango eliya ekuphileni lincani nendlela yakhona imkghotho begodu balibinzana abayifumanako.”

“Ngenani ngesango elincani ngombana isango eliya ekubhujisweni likhulu nendlela yakhona ibanzi begodu banengi abakhamba ngayo.

Nakube-ke nina, ngitjho nanyana nikhohlakele kangaka nje, nikwazi ukupha abantwabenu izipho ezihle, kangangani-ke uYihlo osezulwini! Uzabapha izipho ezihle khulu labo abambawako.

“Ningagwebi abanye, nakungasinjalo nani nizokugwetjwa ngombana indlela enigweba ngayo abanye nani nizokugwetjwa ngayo.

“Kodwana nanyana ngubani ozwa amezwami la, angawenzi, unjengomuntu osidlhadlha owakha indlwakhe phezu kwetjhwabatjhwaba.

“Kubayini ukghona ukubona itserana engelihlweni lakamfowenu, kodwana uhlulwe kubona isigodo esingelihlweni lakho na? Ungatjho njani kumfowenu uthi, ‘Angikhuphe itserana engelihlweni lakho,’ khisibe wena unesigodokazi ngelihlweni lakho na?

“Yelelani abaphorofidi bamanga. Beza kini bembethe njengezimvu kodwana ngaphakathi khisibe baziimpisi ezirhiribidelako. Nizababona ngeenthelo zabo. Abantu bayawakha amadiribe emeveni namkha amakhiwani emthini womunga na?

Ngokunjalo omunye nomunye umuthi omuhle uthela iinthelo ezihle, kodwana umuthi omumbi uthela iinthelo ezimbi.

Umuthi omuhle angekhe wathela iinthelo ezimbi, nomuthi omumbi angekhe wathela iinthelo ezihle.

Omunye nomunye umuthi ongatheli iinthelo ezihle uyaquntulwa uphoswe emlilweni.