Popular Bible Verses from Imbombo 1

Share

Loli mukwisa pakupokela amaka, bo u Mbepo Mwikemo isa papinyu, po mukwisa pakuba bakamboni bangu mu Yelusalemu, na mu Yudeya mosi, na mu Samaliya, mupaka kubumalilo bwa chisu.”

Po akababusya akati, “Tesinyu umwe pakumanya ichinja nakabalilo ko u Tata apimite mumaka ghake mwene.

Bo abungana nabo poka, akabalamula akati, “Mutakafumemo mu Yelusalemu, loli mulindililaghe ipangano lya Tata, lyo akati, mukalifwa kwa une, pakuti u Yohani akabosya na misi, loli mumasiku amapala mukwisa pakosiwa nu Mbepo Mwikemo.”

Bo ukutamiwa kwake kwamala, u Yesu akababonekela mumasiku fote mutubalilo utwingi, pakusimikisya ukuti naloli mumi. Abene bakamutesya, po akayugha nabo nisya Bunyafyale bwa Chala.

Bo ayugha sisisi, akasenyiwa pakubuka kumwanya bo bakumutesya, sona akafifiwa ni bingu.

Bakaba bakali bakutesya kumwanya bo akubuka, po umwakukenusya bubu abanalume babili bo bakafwala amalaya amaswepu bakimilila pambali pabo, nukubalalusya ukuti, “Mwe bandu ba mu Galileya, choni cho mwimilile papapo mukutesya kumwanya? U Yesu yo asenyiwa kukwinyu ukubuka kumwanya akwisa pakunyokela bububu, ukuyana namo mukamutesekesya akubuka kumwanya.”