Popular Bible Verses from Alom 3

Share

Wandhu wonjhe achita machimo, palibe uyo wali wabwino ni wonjhe ataiza kulemekezedwa ni Mnungu. Nambho kwa mbhaso ya ubwino wa Mnungu, wandhu wonjhe avomelezedwa kuti ni abwino pachogolo pa Mnungu kwa njila ya Yesu Kilisito uyo wadaombola.

Mnungu waavomela wandhu kuti ni woyela kwa njila ya chikhulupi chao kwa Yesu Kilisito, Mnungu wachita chimwecho kwa wonjhe akhulupilila, siwapatula Ayahudi ni wandhu yawo osati Ayahudi.

Mnungu wadamchocha Yesu kuti, kwa mwazi wake wakhale njila ya kwachochela wandhu machimo yao kwa kumkhulupilila. Wadachita chimwecho dala wakhoze kulangiza kuti iye ni woyela. Kale Mnungu wadalimbila mtima popande kwaalanga machimo yao, Nambho saino wayachucha machimo ya wandhu, kuti wakhoze kulangiza ubwino wake. Wachita chimwecho, dala walangize kuvomelezeka kwake ndhawi ino, iye wavomela wandhu wajha amkhulupilila Yesu.

Pakuti palibe mundhu waliyonjhe siwavomelezeke kuti ni wokhulupilika pachogolo pa Mnungu, kwa kuligwila thauko, njhito ya thauko ni kumlangizape mundhu kuti wachita machimo.

Ngati umo yalembeledwa Mmalembo ya Mnungu, “Palibe ata mundhu mmojhi uyo wachita yayo yamkwadilicha Mnungu! Palibe mundhu waliyonjhe uyo wamlambila Mnungu, ni palibe mundhu uyo wamfunafuna Mnungu. Wandhu wonjhe amsiya Mnungu, palibe uyo wachita ivo vifunika kwa Mnungu, palibe ata mmojhi.

Pakuti, tiona kuti Mnungu wawelengedwa kukhala woyela kwa njila yomkhulupilila Yesu, nambho osati kwa kuchita umo lifunila Thauko.

Notho! Mnungu wakhala wokhulupilikape, ata ngati kila mundhu ni wamthila. Ngati umo yalembedwa mamalembo ya Mnungu, “Ndhawi zonjhe yapo mkamba, mawu yanu ni uzene, ni Pamalamulo, imwe mkhoza.”