Popular Bible Verses from Yohana 6

Share

Chimwecho wadaakambila, “Ine nde chakudya cha umoyo. Uyo wakujha kwanga siwaona njala ni uyo wanikhulupilila siwaona lujho muyaya.

Mzimu wa Amnungu nde uwo uchocha umoyo, thupi silikhoza kandhu. Mawu yayo nakukambilani ni mzimu ni umoyo.

Msadajhichaucha ndande ya chakudya icho chilula, nambho jhichaucheni ndande ya chakudya icho sichilula ndande ya umoyo wa muyaya. Mwana wa Adamu uyo Atate amchimikiza siwakupacheni chakudya chimenecho.”

Chindhu cha chikulu icho achifuna Atate wanga kuti, waliyonjhe uyo wamuona mwana ni kumkhulupilila wakhale ni umoyo wa muyaya, nane sinimuhyuche siku lo thela.”

Yesu wadayangha “Ino nde njhito iyo Amnungu afuna muichite, kumkhulupilila uyo amtuma.”

Wandhu onjhe yao Atate sianipache sianichate, ni mundhu waliyonjhe uyo wakujha kwanga sinimkana

Simoni Petulo wadamyangha, “Ambuye tipite kwa yani? Akati imwe muli ni mawu ya umoyo wa muyaya.

Ine nde chakudya chili cha moyo icho chachika kuchoka kumwamba. Mundhu waliyonjhe uyo siwadye chakudya ichi siwakhale moyo muyaya. Ni chakudya icho sinimpache, nde thupi langa ilo nichocha ndande ya wandhu ajhiko la panjhi.”

Palibe mundhu uyo wakhoza kujha kwanga, ngati siwadaghuzidwe ni Atate yao anituma, nane sinimuhyuche mundhu mneyo siku lo thela.

Pakuti bumunda la Amnungu nde uyo wachika kuchoka kumwamba ni kwapacha umoyo wandhu a jhiko la panjhi.”

Ine nde chakudya cha umoyo.

Chimwecho Yesu wadatenga mabumunda, wadaayamika Amnungu, wadagaawila wandhu anyiyao adakhala panjhi, kila mmojhi wadapata ngati umo wadafunila, wadachita chimwecho ni zijha njhomba. Wandhu yapo adakhuta, Yesu wadaakambila oyaluzidwa wake, “Kusani vipande ivo va khala visadataika.”

Oyaluzidwa yapo adapita patali ngati meta zitatu kapina zinai, adamuona Yesu ni waenda pamwamba pa majhi, wadawandikila sitima, adaopa kupunda. Ndiipo Yesu wadakambila, “Simudaopa, ni ine!”