Popular Bible Verses from Nzyeté 37

Share

Á gÿo ńgwɔ́ tsɔ́ lyɛ̌ʼ, Yesyɛ̂b lyé tsɔ̌ njÿòon, ḿbíte éshwóŋ mefɛ̌ pé. Pɔ́ júʼ, ńgíŋe ńkẅiʼi ḿbʉa yé.

Yakwɔ̂b lɔ̌ɔn ńkwoŋo Yesyɛ̂b, ńcʉa yetsɔ́ gubé yé yembàŋa ntsèm. Ńtí páʼ à laa múɔ gẅie à la zẅiŋ tá ńzyé. À la gÿo ńtém nzsǒ sɔ́ʼ ńná né Yesyɛ̂b.

Mefɛ̌ Yesyɛ̂b gyá ngie tá wɔ́b kwoŋo yé ńcʉa wɔ́b metsèm, ńzyete lépʉa Yesyɛ̂b, ńcʉ́ʼʉ ńdɔgɔ pɔ́ mbÿàg lóŋ, ńgɔɔn nò né yé.

À la tǎa ńgíŋe ńdyé tsɔ̌ njÿòon tsɔ́ lyɛ̌ʼ, ńgíŋe ḿbíte, éshwóŋ mefɛ̌ pé ńgɔɔn ngie: «N gǐŋ ńdyé tsɔ́ njÿòon, ńgyá nèm, ńgyá saŋ, ńgÿo mecÿɔ́ʼsaŋ ntsɔ̀b wémɔʼɔ́ né legém, é ne ńŋwɔ́ʼɔ nnɛ́ mvfò mèŋ.»

Mefɛ̌ pé pú ńdíe yé ńkwɔ́ʼɔ lóŋ; táʼ, tá we ké ńnéŋe ńkwaŋte mɔɔn menjÿòon kwaŋte.

À la gɔɔn né pɔ́b ngie: Shúshu, pi júʼ tsɔ̌ njÿòon gie n ně ńdyé: «N ně ńdyé njÿòon, ńgyá pege gwɔ́ tsɛ̀ɛ nkáʼ, mbà pege kwɛté membwɔ̀ʼ ngesáŋ ntsíŋ, n deen ńgyá, eyɔ̀ɔn mbwɔ̀ʼ pʉʼʉ ńtyé tyé; emí membwɔ̀ʼ tÿɔ́ʼte yɔ̀ɔn, ńŋwéʼte, ésɔb metwó mɔ́b ssé, á mvfò yɔ̀ɔn mbwɔ̀ʼ.»

Afʉ̀ʼɔɔn la, pi tó pege zẅé yé, ḿmaʼa yé tsɛ̀ɛ tɔ́ɔn ntse ntǔŋ gie ntse té tsoló wɔ́. Ńzsé ngie pege gÿǒ shwóŋo tá wege ngie nɔ̀ɔn mbàʼ ka gwaa yé. É gyá mmó gie á ge gÿo, tá menjÿòon mé e pumte.»

Patáŋ sɔ̌ɔn pie é fóo láʼa Mandyaŋ ne ńcʉa jʉʼó, pɔ́ fó tsɛ̀ɛ tɔ́ɔn ntse ntǔŋ, éshwoŋo Yesyɛ̂b, ńnáa kwóŋ, ésẅiŋe yé mbwó pʉ̀a Esemayɛ̂ɛ. Ńkẅé nkáb pàg móm mbʉ́a. Ngàŋ legìŋ ŋwɛ́, lɔgɔ yé ńgʉa né Egíbtò.

Pɔ́ la ne ńgɔɔn tsetsɛ̀ɛ pɔ́b ngie: «Andyè menjÿòon wɛ̂ gẅie à tóo lɛ̂.

Yesyɛ̂b la nyé ńgwɔ́ pɔ́ ngʉ̀a shʉ̀shʉ̀a pɔ́ gyá yé, á gwaa gʉa tà kúu lejʉ́ŋ pɔ́b, mbà pɔ́ lɔ̌ɔn ncù wé, páʼ pɔ́ ge zẅé yé.

Ńgíŋe ńgɔɔn né pɔ́b ngie: «Tà pi pfɛte metse nyìŋ. Pi maʼa yé pɔ́ tsɛ̀ɛ tɔ́ɔn ntse ntǔŋ yɔɔn gie áa kwòŋotsẅɛ lɔɔn. Pi pɔ́ɔn lézába pwó na yé.» Lẅímbèŋ lɔ̌ɔn ńgɔɔn né pɔ́b púʼu, légwɔ́ gie Yesyɛ̂b ge tsẅɛ́, à gʉa ńtsege yé mbwó tá we.