Popular Bible Verses from Nzyeté 22

Share

Ábalaham tsẅi lezíŋ yɛ̌ jʉʼ ŋwɛ́ lê: «Andonaye-jʉre» (ńdɔgɔ ńgɔɔn ngie: Cʉ̀apʉ̀a ge ná). Áa mmó gie á gÿo, mé ée lyɛ̌ʼɔɔn ńgɔɔn ngie: Mé ge kúu lekwɛ́ Cʉ̀apʉ̀a, à ná.

E Ssé gɔɔn ngie: «Lɔgɔ míŋ gù Ésàg, á míŋ gù wémɔʼɔ́ gẅie ɔ̀ kwoŋo yé tɛʼ, ńgʉa né ngwòŋ Moliya. Ɔ̀ ge kúu wó, é gʉa ndùm tsɔ́ lekwɔʼɔ́ sie n ge tó tá laʼte gú, é lɔgɔ yé é nuŋe pwɔʼ ntuɔtuɔ.»

Cÿɔ́ʼ Cʉ̀apʉ̀a gɔɔn ngie: «Te zába pwó na múɔ, te gÿo tsɔ́ nò tepòŋ na yé. N zsě fʉ̀ʼɔɔn ngie ɔ̀ pɔ́g Ssé tà ɔ̀ kaa lʉʼʉ wɔ́ɔn míŋ gù, á míŋ gù wémɔʼɔ́ wɔ́.»

Ábalaham tsɔ́ʼ ngie: «Míŋ wɔ̀ɔn, e Ssé yé máŋwɛ́ ge náa nɔ̀ɔn gẅie n ge lɔg nuŋe pwɔʼ ntuɔtuɔ!» Ńgɔɔn púʼu, pɔ́ yé mépʉ́a teme kwò ńké ńgiŋ pɔ́ páʼ pɔ́ kɔʼɔ́ ne ńgiŋe.

n ge cÿɔʼɔ gú, é gÿo ngẅɛ̀ jù shʉ́a, ńgyɔ́ɔn páʼ mecÿɔ́ʼsaŋ lefaŋ, mbɔɔ páʼ sàŋasáŋa gie áa ngʉ̀ŋe ntse máŋʉ́. Engẅɛ̀ jù ge láʼ jÿó metÿǒsoŋ megàŋmbù pɔ́b. N ge láʼ fó na ngẅɛ̀ jù, é néŋ mbʉ́lè na mengwòŋ ntsèm ndùmo ssé tsetsáʼ. Ńtí nue ɔ̀ jǔʼ ncwò wɔ́ɔn.»

Á tǎa ńgwɔ́ tsɔ́ fʉ̀ʼ, e Ssé lʉŋte Ábalaham, ńtóŋo Ábalaham, á tsɔ́ʼ ngie: «Oon, wɔ́ɔn wɔɔn!»

Táʼ, cÿɔ́ʼ Cʉ̀apʉ̀a fó lefaŋ ńtóŋo Ábalaham ngie: «Ábalaham, Ábalaham!» Ábalaham tsɔ́ʼ ngie: «Wɔ́ɔn wɔɔn!»

Cÿɔ́ʼ Cʉ̀apʉ̀a fó lefaŋ, ńgíŋe ńtóŋo Ábalaham na mbɔ́ɔntè yépʉ́a, ńgɔɔn né yé ngie: «Ammó gie Cʉ̀apʉ̀a tsẅǐ tà ńkʉa, ayɔɔn: Páʼ ɔ̀ gÿǒ mmó gie mèŋ n tsẅǐi, tà ɔ̀ te lʉʼʉ míŋ gù, á míŋ gù wémɔʼɔ́, á mbwó mèŋ gẅie n gee Ssé wɔ́ la

Pɔ́ la gʉa tà ńkúu jʉʼ gie Ssé la laʼte mbwó Ábalaham, Ábalaham nyɛte jʉʼʉ lenuŋé pwɔʼ ńzáb nkẅíŋ ndumó. Ńdeen ńké ńkwɛ́ɛ kwàʼ míŋ we Ésàg, ńkaa yé ńzába ndùm nkẅíŋ.