Popular Bible Verses from Mateo 7

Share

“Kumbilani, munopiwa, shakani, munowana, gogojani, munozhulilwa.”

Nokuti wose unokumbila, unopiwa, noyo unoshaka unowana, nouno gogoja, unozhulilwa.

“Wose unowha mawhi angu akale ewata, unooba sonhu ulochenjela wakabaka ingumba yiye pamwala.”

Nokudalo zwose zwamunoda kuti banhu bemutile, zwiteni neebo kunaibo, nokuti yoyu ndiwo mulawo newhalo jabaPolofeti.

Asi ishubo idukutuku, nenzila ilomanikila inoswincha kubupenyu, akale bashoma banoyiwana.

“Ngwinani neshubo lilomanikila. Nokuti lilokwazabuka ishubo, nenzila yadeni ilelu, inosenga kukupalajwa akale banji banongwina neeyo inzila.

Kana imwi babi mutubula kupa bana benu zwipo zwibuyanana, biya Tate baiko kudenga abangape zwipo zwibuyanana kunaabo banokumbila kwaali na?

“Musipe untongo, kutila kuti musitongwe neebo.” Nokuti nenzila yamunotonga nayo bamwe, munootongwa bo, akale munookwelwa nonkwelo wamunokwela nawo.

Akale wose unowha mawhi angu akale esinowatobeleja, unanga sonhu ilema wakabaka ingumba yiye pezhulu ponsechelele.

Ini ubona kababi muzhisho lyomwanakwaina uwo usinobona idanda muzhisho lilyo? Kana kuti ungati kumwanakwaina uwo, ‘Ima, ndikubhise kakunyana muzhisho lilyo,’ imo muzhisho lilyo mulinedanda?

“Chenjelelani bapolofeti bamaniepwa, banozha kunamwi bekambala ibhapata lyemhwizi, asi mukati beli mapele anabukali. Munoobaziba nemichelo yabo. Unchelo wonzhambi unowanika mumiwha na, kana kuti ihuyu munti womhiwa?

Nokudalo wose unti umbuyanana unozwala michelo mibhodo, asi unti umbi unozwala michelo mibi.

Unti umbuya aungazwale michelo mibi, neebo unti umbi aungazwale michelo mibuya.

Wose unti usinozwala unchelo umbuya unotemwa kova uposelwa mumoto.