Popular Bible Verses from Mateo 6

Share

“Asi shakani bushe bwaMwali kutanga akale nobululami bubwe, zwose zwinhu yezwi zwinoba zwenu akale.

Nokudalo musizwinyaje nezwamangwana, nokuti lyamangwana linozwinyajila zwalyo. Lekeja injabulo jeelyo izhuba jizhulile yeelyo izhuba.”

Nokudalo ndomubuja kuti, lekani kuzwinyaja nezwobupenyu bwenu, zwokuti molyani, kana kuti monwani, kana nezwombili wenu zwokuti mombalani. Bupenyu abutobabukulwana kupinda zwokulya kana umbili kupinda zwokumbala na?

Koga paunonamata, ngwina mungumba yiyo, uzwikonyele, unamate kuna Tate babo musiswa, akale Tate babo, banobona zwomusiswa, ndibo banokupa indipilo yiyo.

Nokudalo namatani ali, Tate bedu bokudenga, izina lyenu ngalikujwe, bushe bwenu ngabuswike, chido chenu ngechitiwe penyika sokudenga.

Tipeni nasi chinkwa chedu chemisi nemisi

akale tilekejeleni luchinyo lwedu, sezwo tilekejela banotichinyila bo.

Musitilekelele tiwila mukukwejwa, koga mutisungunule kububi.

Kana mulekejela banhu banomuchinyila, Tate benu bokudenga banomulekejela neebo.

Lingani inyuni jedenga, ajitobyala akale ajitovuna, kana kubunganya mumakombana, koga Tate benu bokudenga banojichelela. Imwi amutodikana kujipinda na?

“Musizwibunganisile bufumi penyika, pana makube nengula zwinolya akale nembava jinobulaya ingumba jikwiba. Asi zwibunganisileni chuma kudenga, kusina makube nengula zwinolya, akale kusina imbava jinobulaya jingumba nokukwiba. Nokuti yopo pana ifuma yiyo, ndipo pachabelina moyo uwo.”

“Akuna unhu angashingila matezi mabili, nokuti angabenga umwe akale akada umwe, kana kuti angazwipila kunaumwe eshunda umwe. Amungashingile Mwali nemali.”

Koga kana Mwali embajika ali buhwa bwomuminda, ibo bunoti nasi bupenyu, mangwana bwaposelwa mumoto. Aatomumbajika zwibuyanana na? Imwi bana kudimbwa kutukutuku!

Asi iwi, paunopa chipo chokubhancha, luboko lulwo lwechesho lusizibe kuti luboko lulo lwolulyi lukumutani, kutila kuti kubhancha kukwo kube musiswa, akale Tate babo banobona zwimomusiswa banookupa indipilo yiyo.”

“Chenjelani kuta mishingo yenu mbeli kwabanhu kuti mubonwe naibo, amutowana indipilo inova kuna Tate benu baiko kudenga.

“Akale pamunozwiminya kulya, musishetuluke sabachengeji, nokuti banonyangabala kumesho kwabo betila kubonwa nabanhu kuti bakumuzwiminya kulya. Chokomende ndinoti kwamuli, batambula indipilo yabo kale. Asi kana uzwiminya kulya, shamba kumesho ugube mafuta munsholo, kuti kuzwiminya kuko kulya kusibonwe nabanhu, koga naTate babo bomusiswa, akale Tate babo banobona musiswa, ndibo bachakupa indipo yiyo.”