Popular Bible Verses from Yohana 5

Share

“Ninguwalongela chakaka, yula angulihyoghanila lilando lya nenga, na kumkwinila yula aniyeghili nenga, hayu kana ukomu wa machuwa hyogha bila mwihu, atetoswa ng'ogha, kahubhuka kala kuhuma kukihu na kuyingila kuukomu wa machuwa hyogha bila mwihu.”

Yesu paamlolili yula mundu kawonja na akimanya awelili kawela mvina kwa lipindi litali akamkonya, “Ghuli ungupala kulamiswa?”

Mwenga mnguyangala kuyalolesa Mayandiko gha Sapanga mkiwachila yiwa mghati ghaki mtepokela ukomu wa machuwa hyogha bila mwihu, na mayandiko hagha yangunilongelela nenga. Ila mwenga mngupala ng'ogha kuhika kwa nenga ili mpokeli hau ukomu.

Yesu akamlongela, “Ugholoki, ulitwiki lihinda lyaku uyendi.” Bwitu hayu mundu akalama, akatola lihinda lyaki akatyanga, matendu hagha yagholeka lichuwa lya kupumulila.

Yesu akawalongela, “Uchakaka ninguwalongela, Mwana anguwesa ng'ogha kughola lolosi mwenibaha, ila mweni anguwesa kughola lila amlolile Tati ghaki akighola. Kwaikiva lolosi angulighola Tati, Mwana hilahila angughola.”