Popular Bible Verses from Yohana 15

Share

“Nenga ni msabibu, mwenga ni miputila. Mweni kulikala mghati mwa nenga, na nenga paniwela mghati mwa mweni, hayu ateghola mighalu mitangala gha kumhekelesa Sapanga, kwaikiva pamleka kulikala na nenga mtelepelela kughola chochosi.”

Muyendileli kulikala mghati gha nenga, na nenga niteyendelela kulikala mghati gha mwenga. Handa vila miputila inguwesa ng'ogha kulela matungula weka ghaki bila kutama kumsabibu, hinu muwesa ng'ogha kughola ghala anguyapala Sapanga bila kulikala mghati gha nenga.

Handa pamkala mghati mwa nenga na milando ghangu ikakala mghati mwa mwenga, hinu myupi Tati chochosi kila mngukipala na mweni atewapegha.

Mwenga mnihaghula ng'ogha, ila nenga niwahaghula na kuwayegha myendi kuwaghola waghangi wanikwinili, na wandu hagha wayendileli machuwa hyogha bila mwihu. Na chochosi mkiluwa kwa lihina lya nenga Tati apati kuwapegha.

Njila ngulu kulangiha yiwa unguwapala waghanja ghako ni kuhova kwaikiva gha weni.

Kila liputila mghati ghangu lyeni kulema kulela matungula mweni angulihumisa na kila liputila lyeni kulela angulipungulila lipati kulela nesu.

Laghililo ninguwalaghila ni hali mpalani mwenga kwa mwenga handa vila nenga ninguwapala mwenga.

Hinu wandu watemanya vila Tati ghangu kawela mkulu, kwa mwenga kughola ghala anguyapala Sapanga na mtewela wavulwa ghangu chakaka.

“Nenga ni handa msabibu wa chakaka, na Tati wa nenga ni mtukutula.”

Ikiwela mundu kaleka kulikala mghati mwa nenga, hayu ni handa liputila lyeni kudangwa na kuyuma na wandu wangulikungula na kulinyanya lyoto na kuyalamika.

Hagha niwalongela ili luheku lwa nenga lutami mghati mwa mwenga na liheku lwa mwenga lipati kuwela likulunga nesu.

Pamkola malaghilo ghangu mtelikala kuupalo ghangu, handa vila nenga nikola malaghilo gha Tati ghangu na kulikala kuupalo ghaki.

Hinu, ninguwalaghila kila mundu na ampali myaki.

Handa mwenga mngaliwela wandu wa mlima wogha hau, mlima wogha hau ungaliwapala handa wandu ghaki. Mwenga ng'ogha wa mlima wogha kwaikiva nenga niwahaghula kuhuma kumlimawogha, ndiwa kwaikiva mlima wogha unguleka kuwahekelelela.