Popular Bible Verses from Yohana 14

Share

“Ninguwalekela kuponga kweni kuyeghwa na nenga, kulikala kwa kuponga haku ninguwapegha ng'ogha handa kula mlima wogha unguwapegha. Mkotoho kunyengemala kangi wala mkotoho kutila chochosi.”

Yesu akamyanga, “Nenga ndiwa njila na chakaka na ukomu. Kwahela mweni kuwesa kuyenda kwa Tati ila kwa kupitila nenga.

Yesu akawalongela, “Mkotoho kunyengemala. Mngumkwinila Sapanga, munikwinili na nenga hilahila.”

Ila Mpumulo wa Sapanga, yula Tati atemlaghila kwa mwenga kulihina lya nenga, ndiwa hayu atewavula na kuwakumbusa hyogha ghala niwelili niwalongela.

Mundu yula mweni kupokela na kukola malaghililo ghangu, hayu ndiwa angunipala na hayu mwenikunipala nenga Tati ghangu atempala mundu hayu na nenga nitemghola animanyi.”

Nenga nitemyupa Tati awayegheli Mpumulo wa Sapanga na hayu atewela pamonga na mwenga machuwa hyogha bila mwihu. Mpumulo hayu atewagubutilila wandu uchakaka. Wandu weni kumkanila Sapanga wanguwesa ng'ogha kumpokela Mpumulo hayu, kwaikiva wangumlola ng'ogha, kangi wangummanya ng'ogha. Ila mwenga mngummanya Mpumulo wa Sapanga kwaikiva angulikala pamonga na mwenga, kangi atewela mghati mwa mwenga.

Pamyupa chochosi kwa lihina lyangu, hali nitelighola, ili Mwana amyegheli Tati utundamilu. Handa mteniyupa chochosi ku uwesa wa nenga niteghola.

Handa chakaka mngunipala mkoli malaghilu ghangu.

Ukaya kwa Tati wa nenga kuwela na fyumba fitangala. Handa ingawelili ng'ogha nagha, ningaliwalongela kala, hinaa ninguyenda kuwayandalila mahala.

Na paniteyenda na kuyandala mahala kwaikiva gha mwenga, nitehuya na kuwatola, ili na mwenga muwesi kuwela pala niwela nenga.

Tomasi akamkonya, “Bambu, twenga tumanya ng'ogha kula unguyenda, hinu tutemanyaghuli hai njila?”