Popular Bible Verses from Yohana 5

Share

Nkhovawela khwa khapanga, yeyensi yunaa khotegeela mpola yaane no khomogoomba yunaa antomagaa atite opanga wa nsiko jensi no akhakhotengemekhwaa. Seji nkha mochi khanke, ila a mopanga.

Yesu panaa aleamowonaa molwile oyoo agonile epoo, okho amanyilee kete oyo angile molwile khwi ituungo itale, gechoo aleamowolya, “Mbi, khopooga khopona?”

Onywenywe mokhoyakunelelya Maandekho ga Matuunda kho nguno mokhosiima khopumana nanego molapata opanga wa nsiko jensi. Ila Maandekho agagoo agenee gakhompalela onene. Ninga gechoo, onywenywe mokhosiita khwija khwane ili mopate opanga nsiko jensi.

Yesu amowelaa, “Imelelaa, solaa mokekha gwakhoo, owooke.” Apaponye muntu oyoo aleaponaa, imelela, asolaa mokekha gwakwe awokhaa. Mpola eye aleyanojekhaa Nsiko ya Khosuupa.

Yesu avawelaa, “Nkhovaweela kho khapanga, kete Mwana wa Matuunda khotopo anojee kento chechensi kete venaa khwiwonela mwenee. Ila khonojaa topo egoo ganaa khomowona Ise khoganojaa. Chechensi kenaa kekhonojwaa no Daada, Mwana nanoyo khonojaa avivyoo.