Popular Bible Verses from Makətūbə̄ ń Pol ndang adə̄ Rom gə̄ ní 3

Share

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū *kɔsə gɔn yā Nə́ɓā tə́ aĺ ní. Ba Nə́ɓā rāādə́ adə̄ télən̄ de kə́ súmūú gə̄ i karī kə ta kūl̄ rajə yānneé, tām̄ Jeju Kərist gān̄g dɔdə́.

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju *Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́. Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ *ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Tɔdɔ̄ ndangən̄ kem makətūbūú na: De kə́ súmūú gətóo, kal kógə̄ḿ lélék gə̄gē gətóo. De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo. Nin̄ malang əya̰n̄ róbə́ kə́ gō tə́ kɔ̄ɔ́, nin̄ malang télən̄ de kə́ rim gə̄. Nge kógə̄ḿ kə́ rāā yá̰á̰ kə́ majə gətóo, kal kógə̄ḿ lélék gə̄gē gətóo.

Tɔdɔ̄ jə-ger̄ kadə̄ deē a tél de kə́ súmūú ta kum Nə́ɓā tə́ i kə gō taā kem yānneé, banī i kə gō rāā ń a rāā yá̰a̰ gə̄ ń *ndū najə̄ yā Moijə əda tə́ ní alé.

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.