Popular Bible Verses from Makətūbə̄ ń Jakə ndang ní 2

Share

Taā kem i tītə̄ ń noō ō, ré rāā yá̰a̰ aĺ anī, i taā kem kə́ oy kɔ̄ɔ́.

Tɔdɔ̄ tītə̄ ń dā̰ rɔ̄ kə́ kanjə̄ koō kajə kemeé i kə́ koy kɔ̄ɔ́ ní, tītə̄ ń toō taā kem kə́ kanjə̄ kəla rāān gə̄ i kə́ koy kɔ̄ɔ́ ō.

Ngákó̰ó̰ḿ gə̄, ré deē kógə̄ḿ əda na ni na n-taā kem Nə́ɓā, ba kəla rāān gə̄ gətóo anī, taā kem yān ní a teēn i rí? A asə kajən a?

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

Banī deē kógə̄ḿ a əda na: Ḭ̄ ə́da na ī-taā kem ba mā m̄-rāā kəla gə̄ kə́ ɔjən̄ kadə̄ m̄-taā kem. Ní, ɔ́jəm̄ taā kem yāí kə́ kanjə̄ kəlan ní, ba mā m-ā m-ɔ́jiī taā kem yāḿ i kə ta kūl̄ kəlan gə̄ kə́ m̄-rāā.

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Á̰a̰ī kadə̄ deē tél de kə́ gōtə́ i kə ta kūl̄ kəla rāān gə̄, ba i kə ta kūl̄ taā kem yān ngóy alé.

Á̰a̰ kadə̄ taā kem yān rāā kəla naā tə́ kə kəla yān gēé ō, kadə̄ taā kem yān reē majə ɔtə̄ kə taá mámák i kə ta kūl̄ kəla yān gēé ō