Popular Bible Verses from Makətūbə̄ ń Jakə ndang ní 1

Share

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́, tɔdɔ̄ ī-gerī kadə̄ yá̰a̰ gə̄ ń a nāān̄ taā kem yāsí noó i nin̄ n a rāān̄ tá kadə̄ taā kem yāsí a ojə tə́gā ta ní.

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

Banī ī-tə́gāī tasí ngá̰ý tá kadə̄ ī-téliīneé de kə́ majə ɔtə̄ kə taá gə̄ ō, ī-nalīneé yá̰á̰ kógə̄ḿ aĺ ō.

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i *jākā mbang ní.

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

Tɔdɔ̄ ré deē kógə̄ḿ i nge koō najə̄ ngóy, ba ni i nge rāā yá̰á̰ ń ədan̄ ní aĺ anī, ni-to i tītə̄ de kə́ nge ka̰a̰ kumən kə kútə́ramaá beē. Dan ń a̰a̰ kumən ní oy ba ɔtə aw̄ anī, kə̄ ta jī tə́ noō dɔn ndígə̄nal dɔ ta kumən ń ni-a̰a̰ tə́ ní kɔ̄ɔ́, adə̄ ni ger̄ ké ta kumən ní to i ba̰ý wa alé.

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

Ba loo ń ré yá̰a̰ nāā deē kógə̄ḿ, ká i náā náā gə̄gē anī, ādə̄ kɔ́ɔ̄ lōō kəda na i Nə́ɓā n na nāān. Tɔdɔ̄ yá̰á̰ kə́ asə nāā Nə́ɓā kadə̄ Nə́ɓā rāā majaĺ gətóo ō, Nə́ɓā nāā deē kógə̄ḿ kadə̄ rāā majaĺ aĺ ō. Yá̰á̰ ń nāā deē kadə̄ a rāā majaĺ ní i ngur yá̰á̰ kə́ majaĺ kə́ kem deē tə́ ń a ndɔ́rə̄n ō, a kɔ́lən ō ní.

Ādə̄ ngōkó̰ó̰jí kə́ nge ndoō ɔr ta rɔ̄n tām̄ kɔsə ń Nə́ɓā ɔsən kə̄ dɔɔ́ tə́ ní