M-ā ə́yá̰ dɔ nang ń toō ngɔr, ə́hɔ rɔ̄í ngan̄g, ī-ra dəngam. Ī-ngɔ̄m̄ yá̰a̰ gə̄ ń Kɔ́ɔ̄ɓē Nə́ɓā yāí əda kadə̄ yā ngɔ̄m̄ ní ō, ún gō róbə yān gə̄ ō, ī-ngɔ̄m̄ *ndū najə̄ yān gə̄ ō, gō míndə gə̄ ń ni-əda kadə̄ yā rāā ní ō, jī bēl̄ loo rāā yá̰a̰ yān gə̄ ō, ī-rāā yá̰a̰ gə̄ ń ni-ɔsə seí ta rāā ní ō, tītə̄ ń i kə́ ndangəń kem *ndū najə̄ yā Moijə tə́ ní. I beé tá yá̰a̰ malang ń ā ī-rāā ní a teē yá̰a̰ majə. Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ *Israel tə́ alé.