Popular Bible Verses from Makətūbə̄ kə́ ta kəga dɔ ń Pol ndang adə̄ Korḛntə gə̄ ní 2

Share

Banī tītə̄ ń makətūbə̄ yā Nə́ɓā ədań ní, ndangən̄ na: I yá̰á̰ kə́ kum deē a̰ā̰ aĺ ō, mbī deē oō aĺ ō, deē gír̄ dɔ tə́ aĺ ō n Nə́ɓā əndā dɔ danaá tām̄ yā ngé gə̄ ń tárnən̄ tə́ ní.

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

Tá i jḭḭ̄ n Nə́ɓā teē kumjí dɔ tə́ kə ta kūl̄ *Ndíĺ kə́ Táĺ ní. Tɔdɔ̄ Ndíĺ asə kəndā ma̰ȳ yá̰a̰ malang, ká i yá̰á̰ kə́ Nə́ɓā núm̄ kə́ to loo mundə̄ tə́ ɓáý gə̄gē, ni-asə kəndā ma̰ȳ.

Banī jḭḭ̄ j-əngeī i ndíĺ kə́ dɔ nang tə́ laā alé, ba i Ndíĺ kə́ ḭḭ rɔ̄ Nə́ɓā tə́, yā kadə̄ jə-gerīneé yá̰á̰ gə̄ ń Nə́ɓā adə̄jí kə gō kem ndaa yānneé ní.

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum. Adə̄ taā kem yāsí ra i dɔ kum kedə̄ yā deē ndul gə̄ tə́ alé, banī i dɔ tɔ́gə yā Nə́ɓā tə́.