Popular Bible Verses from Balomɛ́ŋ 3

Share

Bem bámal bilɔga, gúu bémebíbégíe nigúmi niá Uhaluá. Uguá beseé wa Uhaluá úmeyé bɔ́ bandɔ bá gindényé egég gá eŋís gá gilé uguá gisódie igímónoólín uguá Yésuse Klístus.

Uhaluá weéguéyenye bandɔ bindényé gá guágɔdɛ́m uguá Yésuse Klístus. Waáguala buɔ́ gá bandɔ abáganaá ɔdɛ́m gá giagiá nsala idibá hɔ́.

Úmuanyɛ yɔ́ Uhaluá umadɔ́m áneé wesigué, uwód manɔ́ŋ még uguég guá giɔ́bína gá díye bugindényé hana úmadíníhɛ́n nsuá kanda nusésényi. Uguá ginɛŋ igiɛ́ Uhaluá úmanyaá gá bídémbenye, umanyɛ gá díyenye bugindényé buég uguá ginɛŋ giá dabdab, gá gueleé weéyé abámaág ɔdɛ́m uguá Yésuse Klístus bindényé.

Gúu búnya áneé ta mɔndɔ udianábá gindényé egég gá busió uguá melélíe má gigodi, gigodi gíódóŋonye nulinsa nuá gilɔga.

Haná búnya ubúɔ́ŋɔ́n áneé: Ta mɔndɔ udibá gindényé, ta omoómi ana, ta omoómi udigódi nulinsa, ta omódi udiáguamba Uhaluá. Bem wɔb bámanihɛ́n ginɔ́g giá ŋŋil, abáfɔm wɔ́s ta omoómi wa gual buá beseé, ta omoómi ana.

Basuá diégedenye áneé mɔndɔ unyɛ gindényé uguá guágɔdɛ́m, búdibá uguá melélíe má gigodi.

Ɛ́ɛɛ́, búdibá nɔ́. Gɔgaá búgódi áneé búbá budányɛ gá díye áneé Uhaluá waáguala hana hómohómue wɔ́yɔnɔ́, ta hana mɔndɔ gidigid unyɛ abánbán haná búnya ubúɔ́ŋɔ́n áneé: «Mɔndɔ gidigid ugódi áneé ubá gindényé uguá dugálɔ wond ugáyinan uguá ginɛŋ igiɛ́ bégélenyeé yɔ́.»