Popular Bible Verses from Filipiɛ́ŋ 2

Share

Nudialá ta buand uguá bíhiganɛn, ugúnya ana uguá bídíyenye, búnyɛ agá gudɔ́ɔ, gɔgaá, uguá bísusie, ánánánɔ bɔsɔ́gá hana bánúdúmban. Sig mɔndɔ udiambá pɛ́ŋ beseé weg, gɔgaá, ámbánánɔ beseé wa bɔsɔ́gá.

Bígɔ́lɔ́nɔ́nɔ hana bandɔ abánya abábíládánɔ́ na Yésuse Klístus.

Yésuse unyɛ nnɛmb ya Uhaluá, gá giagiá unyɛ Uhaluá gubul feké. Henyé, gubá nnɛmb uguɔ́g, umasúguamba áneé ugága guɔ́ gég gá busió. Gɔgaá, úmuanyɛ mbánan úmeén buá gidigid, uwɔgɔ́l ondig huá edúmébi, uwasiáyɛ hana bandɔ, bámuanyɛ gidigid abánán áneé unyɛ mɔndɔ. Uwaádáab gubísusie, uwabia giɔ́bína na Uhaluá gueneg agá nigué, nigué uguá nuag.

Gá giagiá, búnyɛ Uhaluá úwalanɔ́ buóli uguánɔ wond unúhuán guɔyɛd na guala melélíe ɔmɔ́bígɔnaá yɔ́.

Buand buáguɔ́ Uhaluá úmág yɔ́ hádɛ ugumɔn, uwalɔg yɔ́ ɔhɛ́n uhúdúmbanaá íhɛ́n gidigid. Gá gueleé uguá ɔhɛ́n huá Yésuse, biaŋana gidigid ibínya ugumɔn, ibínya uguísi naá ibínya uguá bunyɛ nnyɔlɛ, bímɔɔ́b ɔhɛ́n huég, bíbɔmbigɔnɛn yɔ́ nudúg. Guond eŋíd gidigid yɔya áneé: Yésuse Klístus unyɛ Ɔgúná, gá nigúmi niá Uhaluá Síe.

Alánánɔ buá gidigid kanda bioŋúlé kanda nségíe, gá gueleé nubá kanda nsɛg, budányɛ, nubá baán bá Uhaluá kanda biíle agá ɔdɛ́m na ɔdɛ́m huá bandɔ bá guísi, abánya mbagiá bónd bála bilɔg biá muand. Agá ɔdɛ́m huá bandɔ abagányɛ, ánaá núbunya hana gise giá guísi.

Buand buáguɔ́ ndága siámɛ siá begúl, ánaá núɔ́bɔnɛn Uhaluá hana nuól núɔ́bɔnɛn yɔ́. Búdibá pɛ́ŋ uguá ginɛŋ igiɛ́ nnya hɔ́, gɔgaá guandadɔ́mb dabdab uyɔɔ́ ndíabá hɔ́. Ánaá núbínuanan gá guala buóli gá díye áneé nunyɛ abaháŋánɔ, nuond nuala buɔ́ uguá bísusie na díne Uhaluá.