Popular Bible Verses from Filipiɛ́ŋ 1

Share

Yaálinsan hómohómue áneé: Uhaluá úmaágɔns guala ginɔ́g giá buóli uguánɔ guá ɔlɔŋ, wenédúmbenye gá yib buɔ́ gueneg uguá buɔ́sɛ ubuɔ́ Yésuse Klístus wónólosiondónú.

Ndé mbísógóli yamɛ iyɛ gánɔ gá busió: Ánaá ginɔ́nɛ́n giánɔ gíguman guandadɔ́mb, gínúgígin ɔmbɔ́g gá guánan beseé naá gá guɔ́bɔn muand beseé na beseé. Gá gueleé nulɛns gusalɔn buá beseé, agányɛ nuánábánɔ́ budányɛ, kanda biíle uguá buɔ́sɛ ubuɔ́ Klístus wónólonu.

Gá giagiá gámɛ, nusɔ́da núnyɛ Klístus guond nigué nínyɛ bisuɛ́n.

Yeéguéŋen Uhaluá wamɛ mbíyigie uguá ginɛŋ gidigid igiɛ́ nsénúbídúmdenye.

Sɔ́dɔ́nɔ́nɔ pɛ́ŋ hana Ginɔ́g giá Nsɔ́m giá Klístus gíɔ́yɔnɔ́, gá gueleé ta yoól gá nuán, ta gúbá áneé ndibá hɔ́, yɔɔ́b áneé nunyɛ ababíládánɔ beseé uguá Gileénde, yond yɔɔ́b áneé, núábínuanan ɔlɔŋ na ɔdɛ́m húmomi uguá guágɔdɛ́m uguá Ginɔ́g giá Nsɔ́m.

Ɛɛ́ɛ, hana ŋŋíganaá na nubídágídɛ́n gidigid, ndiɔnɔɔ́b ɔduá gunɔ́h, gɔgaá binam biámɛ bídianásulugɔg, dabdab naá gá ságásagá. Bandɔ bánánáan uguámɛ áneé Klístus unyɛ giandá, ta búbá uguámɛ guá nusɔ́da, ta búbá uguámɛ guá nigué.

Gá giagiá, Uhaluá umanúádáabɛ́n magɔg gá guádáaban Klístus, búdibá pɛ́ŋ gá guágɔdɛ́m uguég, gɔgaá, súsɔ́n gá guɔ́bígɔn gég gá busió.