Popular Bible Verses from Galasiɛ́ŋ 5

Share

Gɔgaá, melélíe má Gileénde mémeényé: Ginɔ́nɛ́n, ibal, bumbénu, nubídémbídínyi, ɔdɛ́m beseé, gudúmába, bugilád, guágɔdɛ́m, gubá gisún na lɛns gubígimbin ɔdɛ́m. Gigodi gídiéguenenye umugányɛ muand.

Mbídɔ́lígɔ́nɔ́nɔ́n: Andánánɔ uguá ambanɔ ya Gileénde, agányɛ nudianánduguala guɔyɛd guá mmegu.

Haná dísɔ́dɔnaá uguá Gileénde, ánaá dianda súsɔ́n uguá ambanɔ yá giɛ́.

Bandɔ ɔbɔ́bɔninaá na Klístus bɔ́mɔ́n mmegu yɔb uguá nuag na melélíe má yɛ́ na niída niá yɛ́.

Melélíe má mmegu mádiábíanyanye, búnyɛ muand hana: Gilɔg giá uŋand, biíle, gidáŋa gubúlúgenye biaŋana, guala manyɛ, mbina, nsáŋ, yaág, ilúnd, guamba gumáníganɛn bɔsɔ́gá, gubídándúna uguá bimbi kanda guɔ́bɔnina, bábísáma, bábúmánan, bɔ́lɔtɔba, bála muand umúnya mpónyé naá umúganyɛ, yaánúasigan dabdab hana yaámánaguala. Abálanɔ́, bádianábia giásɛ uguá Niguili niá Uhaluá.

Beliméen, búnyɛ gɔg gá busió buá ibembi bɔ́mɔnúdɔ́ŋɛ́ɛn banuá. Gúu, nudiágígɛ́n gá hiɛ́ gá guala hana mmegu yámbanɔ́. Gɔgaá, ánaá núdúmábánɛn uguá ginɔ́nɛ́n.

Gá giagiá, mmegu yasɔ yɔɔ́guɔya muand umúnya yaŋuna naá muá Gileénde, gúu súsɔ́n Gileénde gínya na muand muég yaŋuna naá muá mmegu, múnyɛ mosió máandɛ. Búáguala áneé adial ubuɔ́ ámbanɔ́ áneé al.

Gá giagiá, gigodi gidigid gíóbíhónonye uguá nugálɔ unugányɛ pɛ́ŋ númomi: «Ɔyá sɔ́gá mɔndɔ hana aŋuá mbánan.»

Didibígɔ́lɔ́n, didisógísógínyé, didiágánɛ́n yaág.

Klístus umedídúgún gá gueleé áneé dibá hómohómue uguá ibembi. Ánaá núbíbia gá gueleé nudiondúguond uguá duoli duá duayɛ duá buɔ́lɛ.