Popular Bible Verses from JEJU TEĒ KUM JA̰A̰ 7

Share

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

Nin̄-əgan̄ kɔŕ ngá̰ý ədan̄ na: Kajə deē i yá̰a̰ yā Nə́ɓā yājí ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō.

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

I tām̄ najə̄ ń noō tə́ n nin̄-ndan̄ ta kōr̄ kāgə̄ mbang yā Nə́ɓā tə́, ba rāān̄ kəla adə̄nən̄ ndɔ̄ɔ́ ō, kadaá ō, kem kújə yān tə́ ní. Deē ń ndi dɔ kōr̄ kāgə̄ mbang tə́ ní a ngɔ̄m̄də́. Ɓō a rāādə́ to̰ aĺ ō, kəndā a rāādə́ to̰ aĺ ō, mbang ō, kəngān ō, a rāān̄ yá̰a̰ sedə́ to̰ aĺ bátə́ ō.

Ī-lōōī nujə dɔ nang ō, bā bo ō, kāgə̄ ō, bátə́ kadə̄ ré j-əndā mbō̰ no ngé rāā kəla gə̄ yā Nə́ɓā yājí tə́ pá tá. Anī m-ōō kutə de gə̄ ń əndān̄ mbō̰ nodə́ tə́ ní: Nin̄ i deē 144 000, ɔyn̄də́ i kə gír ɓē gə̄ malang yā ngán Israel gə̄.